HOME
DETAILS

ജി.സി.സി രാജ്യങ്ങളുടെ കൂട്ടത്തില്‍ ഏറ്റവും കൂടുതല്‍ സ്വര്‍ണ ശേഖരമുള്ളത് സഊദിയുടെ പക്കലെന്ന്

  
backup
May 03 2017 | 02:05 AM

%e0%b4%9c%e0%b4%bf-%e0%b4%b8%e0%b4%bf-%e0%b4%b8%e0%b4%bf-%e0%b4%b0%e0%b4%be%e0%b4%9c%e0%b5%8d%e0%b4%af%e0%b4%99%e0%b5%8d%e0%b4%99%e0%b4%b3%e0%b5%81%e0%b4%9f%e0%b5%86-%e0%b4%95%e0%b5%82%e0%b4%9f

ജിദ്ദ: ജി.സി.സി രാജ്യങ്ങളുടെ കൂട്ടത്തില്‍ ഏറ്റവും കൂടുതല്‍ കരുതല്‍ സ്വര്‍ണ ശേഖരമുള്ളത് സഊദിയുടെ പക്കലാണെന്ന് വേള്‍ഡ് ഗോള്‍ഡ് കൗണ്‍സില്‍ റിപ്പോര്‍ട്ട്. 322.9 ടണ്‍ കരുതല്‍ സ്വര്‍ണ ശേഖരമാണ് സഊദിയുടെ പക്കലുള്ളത്. ലോകത്തെ മൊത്തം സ്വര്‍ണ ശേഖരത്തിന്റെ ഒരു ശതമാനം വരുമിത്. ആഗോള തലത്തില്‍ ഏറ്റവും കൂടുതല്‍ സ്വര്‍ണ ശേഖരമുള്ള രാജ്യങ്ങളുടെ പട്ടികയില്‍ സഊദി പതിനാറാം സ്ഥാനത്താണ്. കഴിഞ്ഞ വര്‍ഷം പട്ടികയില്‍ പതിനേഴാം സ്ഥാനത്തായിരുന്നു.
അതേസമയം അറബ് ലോകത്ത് ഏറ്റവും കൂടുതല്‍ കരുതല്‍ സ്വര്‍ണ ശേഖരമുള്ളത് ലെബനോനിലാണ്. ലെബനോനില്‍ 286.8 ടണ്‍ കരുതല്‍ സ്വര്‍ണ ശേഖരമുണ്ട്. 173.6 ടണ്‍ സ്വര്‍ണവുമായി അള്‍ജീരിയ മൂന്നാമതും 116.6 ടണ്‍ സ്വര്‍ണവുമായി ലിബിയ നാലാമതും 89.9 ടണ്‍ സ്വര്‍ണ ശേഖരവുമായി ഇറാഖ് അഞ്ചാമതും 79 ടണ്‍ സ്വര്‍ണ ശേഖരവുമായി കുവൈത്ത് ആറാമതും 75.6 ടണ്‍ സ്വര്‍ണ ശേഖരവുമായി ഈജിപ്ത് ഏഴാമതും ആണ്.
എന്നാല്‍ ലോകത്ത് ഏറ്റവും കൂടുതല്‍ കരുതല്‍ സ്വര്‍ണ ശേഖരമുള്ളത് അമേരിക്കയുടെ പക്കലാണ്. അമേരിക്കയില്‍ 8,133.5 ടണ്‍ കരുതല്‍ സ്വര്‍ണ ശേഖരമുണ്ട്. ലോകത്താകമാനമുള്ള സ്വര്‍ണ ശേഖരത്തിന്റെ 24.4 ശതമാനവും അമേരിക്കയുടെ പക്കലാണ്. 3377.9 ടണ്‍ സ്വര്‍ണവുമായി ജര്‍മനി രണ്ടാം സ്ഥാനത്തും 2814 ടണ്‍ സ്വര്‍ണവുമായി അന്താരാഷ്ട്ര നാണയ നിധി മൂന്നാം സ്ഥാനത്തും 2451.8 ടണ്‍ സ്വര്‍ണ ശേഖരവുമായി ഇറ്റലി നാലാം സ്ഥാനത്തും 2435.8 ടണ്‍ സ്വര്‍ണവുമായി ഫ്രാന്‍സ് അഞ്ചാമതും 1842.6 ടണ്‍ സ്വര്‍ണവുമായി ചൈന ആറാമതുമാണ്.557.8 ടണ്‍ കരുതല്‍ സ്വര്‍ണ ശേഖരമുള്ള ഇന്ത്യയാണ് പതിനൊന്നാം സ്ഥാനത്ത്.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."