കോഴിക്കോട്: വിദേശസർവകലാശാലകളെ സ്വാഗതം ചെയ്യുന്ന എസ്.എഫ്.ഐ നയത്തിനെതിരേ ചരിത്രകാരനും ഇടതു സഹയാത്രികനും കാലിക്കറ്റ് സർവകലാശാല മുൻ വൈസ് ചാൻസലറുമായ ഡോ. കെ.കെ. എൻ കുറുപ്പ്. ഫേസ്ബുക്കിലാണ് വിമർശനം. ഇതെല്ലാം അപ്രിയസത്യങ്ങളാണെന്നറിയാം. രാജാവ് നഗ്നനാണെന്ന് പറയാൻ അധികമാരും തയ്യാറാകുകയില്ല. ഇതെല്ലാം കണ്ടിട്ടും പ്രതിഷേധിക്കാൻ കഴിവില്ലാത്ത ഒരു ദുർബലമനസ്‌കനാകാൻ എന്റെ ഉന്നതാധ്യാപനപരിചയം അനുവദിക്കുന്നില്ല'' എന്നു പറഞ്ഞാണ് കുറിപ്പ് അവസാനിപ്പിക്കുന്നത്.

ALSO READ: ബിന്ദുവിന്റെ മൃതദേഹം മാറ്റുന്നതിനിടെ കോൺഗ്രസ് പ്രതിഷേധം; ചാണ്ടി ഉമ്മനടക്കം 30 പേർക്കെതിരെ കേസ്

കോഴിക്കോട്ട് നടന്ന എസ്.എഫ്.ഐ അഖിലേന്ത്യാ സമ്മേളനം വിദേശ സർവകലാശാലകളുടെ  സ്വതന്ത്രപ്രവർത്തനത്തിന് അനുകൂലമാണെന്നാണ് മനസ്സിലായത്. അതിലൂടെ നമ്മുടെ രാജ്യമെന്തു നേടുമെന്നതിനെപ്പറ്റി സമ്മേളനത്തിലെ ചർച്ചകളും പ്രമേയങ്ങളും ഒന്നും വ്യക്തമാക്കുന്നില്ലെന്നാണ് തോന്നുന്നത്.

ALSO READ: കോട്ടയം മെഡിക്കൽ കോളേജ് കെട്ടിടം തകർന്ന സംഭവം: ബലക്ഷയം നേരത്തെ ശ്രദ്ധയിൽപ്പെട്ടിരുന്നുവെന്ന് സൂപ്രണ്ട്, അപകട ഉത്തരവാദിത്തം ഏറ്റെടുത്തു

ഇന്ത്യൻ ചേംബർ ഓഫ് കോമേഴ്‌സ് നൽകിയ ശുപാർശയിൽ മുതലാളിമാരുടെ അനേകമനേകം സർവകലാശാലകളും ഗവേഷണകേന്ദ്രങ്ങളും യു.ജി.സി ഇന്ത്യയിൽ സ്ഥാപിച്ചു. അവയിലൂടെ പുറത്തുവന്ന ടെക്കികളും ശാസ്ത്രജ്ഞരുമെല്ലാം വിദേശകമ്പനികളിലേക്ക് ചേക്കേറിക്കൊണ്ടിരുന്നു. ആ കമ്പനികളുടെ ഉൽപ്പന്നങ്ങൾ വിൽക്കുവാനുള്ള സംസ്‌കാരം അവർ ഇന്ത്യയിൽ വളർത്തിയെടുത്തു. ഇനിവരുന്ന പുതിയ വൈസ് ചാൻസലർമാർ ഇത്തരം സി.ഇ.ഒ.മാർ കൂടിയാകാം. ഇത്തരമൊരു സ്ഥിതിവിശേഷത്തിൽ ഭാരതീയഭാഷകളും സംസ്‌കാരവും തത്വശാസ്ത്രവും പഠിക്കുവാനും പഠിപ്പിക്കുവാനും ആരും തയാറായെന്ന് വരില്ലെന്നും അദ്ദേഹം കുറിച്ചു.