തിരുവനന്തപുരം: റെയില്‍വേ തിരുവനന്തപുരം ഡിവിഷന്റെ കീഴില്‍ അറ്റകുറ്റപ്പണികൾ നടക്കുന്നതിനാൽ   വിവിധ ദിവസങ്ങളില്‍ ട്രെയിന്‍ ഗതാഗതത്തിന് നിയന്ത്രണം ഏര്‍പ്പെടുത്തി. 11 ട്രെയിനുകള്‍ ഭാഗികമായി റദ്ദാക്കി. ആറ് ട്രെയിനുകള്‍ വഴിതിരിച്ചുവിടുകയും ഒന്നിൻ്റെ  സമയം പുനഃക്രമീകരിക്കുകയും ചെയ്യുമെന്ന് റെയില്‍വേ അറിയിച്ചു. ഈ മാസം ഒമ്പതിനുള്ള തിരുച്ചിറപ്പള്ളി -തിരുവനന്തപുരം സൂപ്പര്‍ ഫാസ്റ്റ് എക്‌സ്പ്രസ്(22627) വള്ളിയൂരിനും തിരുവനന്തപുരത്തിനും ഇടയില്‍ സര്‍വിസ് നടത്തില്ല.

ALSO READ: പാലക്കാട് ഡിവിഷനിൽ റെയിൽവേ ടിക്കറ്റിന് ഡിജിറ്റൽ പേയ്‌മെന്റ്  മാത്രം; വെട്ടിലായി യാത്രക്കാര്‍

ഈ മാസം എട്ട്, ഒമ്പത് തീയതികളിലെ താംബരം-നാഗര്‍കോവില്‍ അന്ത്യോദയ(20691)സൂപ്പര്‍ ഫാസ്റ്റ് എക്‌സ്പ്രസ് തിരുനെല്‍വേലിയില്‍ യാത്ര അവസാനിപ്പിക്കും. 26നുള്ള നാഗര്‍കോവില്‍-കോട്ടയം എക്‌സ്പ്രസ്(16366) ചങ്ങനാശേരിയിലും ഇന്നും ഏഴിനുമുള്ള മംഗലാപുരം-കന്യാകുമാരി എക്‌സ്പ്രസ്(16649) തിരുവനന്തപുരത്തും യാത്ര അവസാനിപ്പിക്കും. 25ന് ചെന്നൈയില്‍ നിന്നും പുറപ്പെടുന്ന തിരുവനന്തപുരം സൂപ്പര്‍ഫാസ്റ്റ്(12695) കോട്ടയത്തും 26നുള്ള മധുര-ഗുരുവായൂര്‍ എക്‌സ്പ്രസ്(16327) കൊല്ലത്തും യാത്ര അവസാനിപ്പിക്കും. 

ഈ മാസം ഒമ്പതിനുള്ള തിരുവനന്തപുരം-തിരുച്ചിറപ്പള്ളി സൂപ്പര്‍ഫാസ്റ്റ്(22628) തിരുവനന്തപുരത്തിനും വള്ളിയൂരിനും ഇടയില്‍ സര്‍വിസ് റദ്ദാക്കി. വള്ളിയൂരില്‍ നിന്നായിരിക്കും ട്രെയിന്‍ പുറപ്പെടുക. ഒമ്പതിനുള്ള നാഗര്‍കോവില്‍-താംബരം അന്ത്യോദയ സൂപ്പര്‍ഫാസ്റ്റ്(20692) തിരുനെല്‍വേലിയില്‍ നിന്നും 26നുള്ള തിരുവനന്തപുരം- ചെന്നൈ സൂപ്പര്‍ഫാസ്റ്റ് എക്‌സ്പ്രസ്(12696),  27നുള്ള ഗുരുവായൂര്‍-മധുര എക്‌സ്പ്രസ്(16328) എന്നിവ  കോട്ടയത്ത് നിന്നുമായിരിക്കും സർവിസ് ആരംഭിക്കുക.   ഈ മാസം അഞ്ച്, എട്ട് തീയതികളിലെ കന്യാകുമാരി-മംഗലാപുരം പരശുറാം എക്‌സ്പ്രസ്(16650) തിരുവനന്തപുരത്ത് നിന്നായിരിക്കും സര്‍വിസ് ആരംഭിക്കുക.

ALSO READ: ബിന്ദുവിന്റെ മൃതദേഹം മാറ്റുന്നതിനിടെ കോൺഗ്രസ് പ്രതിഷേധം; ചാണ്ടി ഉമ്മനടക്കം 30 പേർക്കെതിരെ കേസ്

26നുള്ള തിരുവനന്തപുരം- ചെന്നൈ സൂപ്പര്‍ ഫാസ്റ്റ്(12624), തിരുവനന്തപുരം നോര്‍ത്ത്-ശ്രീ ഗംഗനഗര്‍ എക്‌സ്പ്രസ്(16312), തിരുവനന്തപുരം നോര്‍ത്ത്- ബംഗലുരു ഹംസഫര്‍ എക്‌സ്പ്രസ്(16319), കന്യാകുമാരി-ദിബ്രുഗ് വിവേക് എക്‌സ്പ്രസ്(22503), തിരുവനന്തപുരം-മധുര അമൃത എക്‌സ്പ്രസ്(16343), തിരുവനന്തപുരം-മംഗലാപുരം എക്‌സ്പ്രസ്(16347) എന്നിവ കോട്ടയത്തിന് പകരം ആലപ്പുഴ വഴി തിരിച്ചുവിടും. ഇന്നും ഏഴിനും മധുര-പുനലൂര്‍ എക്‌സ്പ്രസ്(16729) 35 മിനിറ്റ് വൈകിയാകും സര്‍വിസ് തുടങ്ങുക.