മാവൂര്‍: സി.ടി ഹസ്സനും കുടുംബവും താമസിക്കുന്നത് ഏതുസമയവും ഇടിഞ്ഞ് വീഴുമെന്ന ആശങ്കയുള്ള മലയുടേയും മറുഭാഗത്ത് ചെറുപുഴയുടെ തീരം എടുത്തുകൊണ്ടിരിക്കുന്ന കരയിടിച്ചില്‍ ഭീഷണിയുടേയും ഉരയിലാണ്.
അതിശക്തമായ വെള്ളത്തിന്റെ കുത്തൊഴുക്കില്‍ ചെറുപുഴയുടെ തീരം ഇടിയുന്നത് വ്യാപകമായതോടെ ഹസ്സന്റെ വീട് ഇന്ന് ഏറെ ഭീഷണിയിലാണ്. അതോടൊപ്പം തന്നെ വീടിന്റെ മറുപുറം ഉയര്‍ന്നുനില്‍ക്കുന്ന മല ഇടിഞ്ഞു വരുന്നതും ഭീഷണി ഉയര്‍ത്തുന്നുണ്ട ് ഇത് മൂലം കുട്ടികള്‍ക്ക് പോലും പുറത്തിറങ്ങാന്‍ ഭയമാണെന്നും വീട്ടുകാര്‍ പറയുന്നു. മഴക്കാല കെടുതികളെ തുടര്‍ന്ന് എം.പിയും എം.എല്‍.എയും പഞ്ചായത്ത് അധികൃതരും വില്ലേജ് ഉദ്യോഗസ്ഥരുമൊക്കെ സ്ഥലം സന്ദര്‍ശിച്ചിരുന്നു.
പുഴയോരം കൃത്യമായി പാര്‍ശ്വഭിത്തി കെട്ടി തങ്ങളുടെ ജീവനും സ്വത്തും സംരക്ഷിക്കണമെന്നാണ് ഇവരുടെ ആവശ്യം.