വംശനാശം സംഭവിക്കുന്നത് ജീവികള്‍ക്കല്ല ജീവനില്ലാത്ത കത്തുകള്‍ക്കാണ്. ഉടനടി മറുപടിയെത്തുന്ന നവയുഗത്തില്‍ ഗൃഹാതുരത്വത്തിന്റെ അടിവേരുകളിന്നു പിഴുതെറിയപ്പെടുകയാണ്. ഇന്ന് എഴുത്തും കുത്തും കാലത്തിന്റെ പഴങ്കഥകളായി തീര്‍ന്നു. ബാല്യത്തിന്റെ ഭാസുര നാളുകളില്‍ എഴുതിയ അക്ഷരത്തെറ്റുകളുടെ കത്ത് വായിച്ച് നിര്‍വൃതികൊണ്ടവരുടെ കാലം കഴിഞ്ഞുപോയി. കൗമാരത്തിന്റെ മധുരപ്പതിനേഴില്‍ അവനെഴുതിയ പ്രേമലേഖനങ്ങള്‍ വായിക്കാന്‍ അവള്‍ക്കിന്നു സമയമില്ല. യൗവനത്തിന്റെ പ്രസരിപ്പില്‍ അവനെയുതിയ എഴുത്തുകുത്തുകള്‍ക്കിന്നു വായനക്കാരില്ല. വാര്‍ധക്യത്തിന്റെ ശതകത്തില്‍ ചാരുകസേരയിലിരുന്ന് ഓര്‍ക്കാന്‍ അവളുടെ മറുപടിക്കത്തുകള്‍ ഇന്ന് വിരളമാണ്.