ന്യൂഡല്‍ഹി: രാജ്യത്ത് കൊവിഡ്-19 ബാധിതരുടെ എണ്ണം 30 ലക്ഷം കടന്നു. 15 ദിവസത്തിനിടെയാണ് 20 ലക്ഷത്തില്‍ 30 ലക്ഷമായി ഉയര്‍ന്നത്.

ഇപ്പോള്‍ രാജ്യത്ത് 30,05,281 കൊവിഡ് കേസുകളാണുള്ളത്. കൊവിഡ് ബാധയുടെ കാര്യത്തില്‍ ലോകത്ത് യു.എസിനും ബ്രസീലിനും പിന്നാലെ മൂന്നാതാണ് ഇന്ത്യയുള്ളത്. എന്നാല്‍ കഴിഞ്ഞ 18 ദിവസമായി ലോകത്ത് ഏറ്റവും കൂടുതല്‍ പ്രതിദിന കൊവിഡ് കേസുകള്‍ റിപ്പോര്‍ട്ട് ചെയ്യുന്നത് ഇന്ത്യയിലാണ്.

6,57,450 കേസുകള്‍ റിപ്പോര്‍ട്ട് ചെയ്ത മഹാരാഷ്ട്രയിലാണ് രാജ്യത്ത് ഏറ്റവും കൂടുതല്‍ കൊവിഡ് രോഗികളുള്ളത്. തമിഴ്‌നാട് (3,73,410), ആന്ധ്ര പ്രദേശ് (3,45,216) എന്നീ സംസ്ഥാനങ്ങളാണ് പിന്നാലെയുള്ളത്.

ഇന്നു മാത്രം രാജ്യത്ത് 69,878 കൊവിഡ് കേസുകളാണ് സ്ഥിരീകരിച്ചത്.