കോഴിക്കോട്: ബാലുശ്ശേരി പാവണ്ടൂർ ഹയർ സെക്കൻഡറി സ്‌കൂളിൽ പ്ലസ് വൺ വിദ്യാർഥികളെ സീനിയർ വിദ്യാർഥികൾ റാഗ് ചെയ്തതായി പരാതി. സംഭവത്തിൽ അഞ്ച് വിദ്യാർഥികൾക്ക് മർദനമേറ്റതായും രണ്ടുപേരുടെ കണ്ണിനും ഒരാളുടെ തലയ്ക്കും ഗുരുതര പരുക്കേറ്റതായും പരാതിയുണ്ട്.

രണ്ട് ദിവസങ്ങളിലായാണ് മർദനമുണ്ടായതെന്ന് രക്ഷിതാക്കൾ പറഞ്ഞു. അഞ്ച് വിദ്യാർഥികളുടെയും ഷർട്ടിന്റെ ബട്ടൺ അഴിച്ചിടുന്നതുമായി ബന്ധപ്പെട്ട തർക്കമാണ് ആക്രമണത്തിലേക്ക് നയിച്ചതെന്നാണ് പ്രാഥമിക വിവരം.

ALSO READ: ക്ലാസ് മുറിയില്‍ മദ്യപിച്ച് കിടന്ന ഹെഡ് മാസ്റ്റര്‍ക്ക് സസ്പെൻഷൻ; ദൃശ്യങ്ങള്‍ വൈറലായതിന് പിന്നാലെ നടപടി 

സംഭവത്തിൽ ആദ്യം സ്‌കൂൾ അധികൃതരോട് പരാതി നൽകിയെങ്കിലും നടപടി ഉണ്ടായില്ലെന്ന് ആരോപിച്ച് രക്ഷിതാക്കൾ കാക്കൂർ പൊലിസിനെ സമീപിച്ചു. എന്നാൽ, സ്‌കൂളിലെ റാഗിങ് വിരുദ്ധ സമിതിയുടെ റിപ്പോർട്ട് ലഭിച്ചാൽ മാത്രമേ കേസെടുക്കാൻ കഴിയൂവെന്നാണ് പൊലിസ് അറിയിച്ചത്.

സംഭവത്തിൽ സ്‌കൂൾ അധികൃതരുടെ റിപ്പോർട്ടും നിലപാടും ലഭിച്ച ശേഷമാകും തുടർനടപടികൾ സ്വീകരിക്കുകയെന്ന് പൊലിസ് അറിയിച്ചു.

A complaint has been filed that Plus One students were ragged by senior students at Balussery Pavandoor Higher Secondary School. According to the complaint, five students were beaten up. Two of them suffered serious injuries to the eye and one to the head.