കൊണ്ടോട്ടി: മുദ്രാവാക്യങ്ങള്‍ എഴുതിയും മുഴക്കിയും കൊണ്ടോട്ടിയില്‍ സി.പി.എം പാര്‍ട്ടിക്ക് വേരോമുണ്ടാക്കിയ കൊണ്ടോട്ടി പഴയങ്ങാടി മാങ്കായി അബൂബക്കര്‍ എന്ന മാങ്കായി അബു(70)ഓര്‍മയായി.
സി.പി.എം ഏരിയ കമ്മിറ്റി ഓഫിസ് സെക്രട്ടറിയായിരുന്ന മാങ്കായി അബു മുദ്രാവാക്യങ്ങളിലൂടെയാണ് ജില്ലക്കകത്തും പുറത്തും ശ്രദ്ധേയനായിരുന്നത്. നിമിഷകവി കൂടിയായിരുന്ന അബു ബീഡി തൊഴിലാളിയായണ് ജീവിതം ആരംഭിച്ചത്. 2009-11 കാലത്ത് മോയീന്‍കുട്ടി വൈദ്യര്‍ അക്കാദമി അംഗമായിരുന്നു. അര്‍ബുദം ബാധിച്ച് ചികിത്സയിലായിരുന്നു. നീറ്റാണിമ്മല്‍ കൊളപ്പളളി ഖുബ്ബ മസ്ജിദ് പ്രസിഡന്റാണ്. നീറ്റാണിമ്മല്‍ ജുമാമസ്ദിലും കൊണ്ടോട്ടി പഴയങ്ങാടി വലിയ ജുമഅത്ത് പളളിയിലുമായി മയ്യിത്ത് നിസ്‌കാരം നടന്നു. അനുസ്മരണ സമ്മേളനം വേലായുധന്‍ വളളിക്കുന്ന് ഉദ്ഘാടനം ചെയ്തു. എന്‍. രാജന്‍ അധ്യക്ഷനായി.