കോഴിക്കോട്: ഇസ്്‌ലാമിന്റെയും മുസ്്‌ലിംകളുടെയും രക്ഷയ്ക്ക് ഭീകരന്‍മാരുടെയും ചാവേറുകളുടെയും സഹായം ആവശ്യമില്ലെന്ന് കേരള നദ്‌വത്തുല്‍ മുജാഹിദീന്‍ (കെ.എന്‍.എം മര്‍കസുദ്ദഅ്‌വ) സംസ്ഥാന പ്രസിഡന്റ് ഡോ. ഇ.കെ അഹ്്മദ് കുട്ടിയും ജനറല്‍ സെക്രട്ടറി സി.പി ഉമര്‍സുല്ലമിയും പ്രസ്താവനയില്‍ പറഞ്ഞു. നിരപരാധികളെ കൊന്നൊടുക്കുന്ന ചാവേറുകളും ഭീകരവാദികളും ദൈവത്തിന്റെ ശത്രുക്കളാണ്.
ശ്രീലങ്കയിലെ നൂറു കണക്കിന് നിരപരാധികളെ കൊന്നൊടുക്കിയ ഭീകാരാക്രമണത്തെ ഡോ. ഇ.കെ അഹ്്മദ് കുട്ടിയും സി.പി ഉമര്‍സുല്ലമിയും ശക്തമായി അപലപിച്ചു. മതത്തിന്റെ പേരു പറഞ്ഞ് വിചാരണയും ശിക്ഷ വിധിക്കലും നടത്താന്‍ ഇസ്്‌ലാം ആരെയും ചുമതലപ്പെടുത്തിയിട്ടില്ലെന്നിരിക്കെ പ്രതികാരത്തിന്റെ പേരുപറഞ്ഞ് ഭീകരാക്രമണത്തെ ആരും ന്യായീകരിക്കേണ്ടതില്ലെന്നും കെ.എന്‍.എം നേതാക്കള്‍ വ്യക്തമാക്കി.