കോതമംഗലം: കവളങ്ങാടുണ്ടായ ശക്തമായകാറ്റില്‍ പന്ത്രണ്ട് വീടുകള്‍ തകര്‍ന്നു. നിരവധി കൃഷിയിടങ്ങള്‍ നശിച്ചു. ഇന്നലെ ഉച്ചയോടെ പെട്ടെന്നുണ്ടായ കാറ്റില്‍ പഞ്ചായത്തിലെ പിന്നോക്ക മേഖലയായ കവളങ്ങാട് കവലക്കു സമീപം നൂറോളം വീടുകള്‍ ഉള്ള മൂന്ന്‌സെന്റ് കോളനിയിലെ പന്ത്രണ്ട് വീടുകളാണ് തകര്‍ന്നത്.
കിഴക്കേപുരക്കല്‍ രാജു, അനീഷ് കുന്നേക്കാട്ടുകുടി, ഖദീജ പീടിയേകുടി, കിളിയേലില്‍ സുജിത്ത്, കിഴക്കേപുരക്കല്‍ രഞ്ജിത്ത്, കിളിയേലില്‍ പള്ളികളമ്പന്‍, കുഞ്ഞേലി പത്രോസ് വെട്ടിയേലി കുടി, കുഞ്ഞമ്മ പുത്തന്‍പുരക്കല്‍, ഏലിയാമ്മ പുത്തന്‍പുരക്കല്‍ എന്നിവരുടെ ഒമ്പത് വീടുകള്‍ പൂര്‍ണമായി തകര്‍ന്നു. കവളങ്ങാട് മൗണ്ട് കാര്‍മ്മല്‍ സീനായ് മഠത്തിന്റെ മേല്‍ക്കൂരയിലേറ്റ് കൂറ്റന്‍ മരം വീണ് മേല്‍ക്കൂര തകര്‍ന്നു. പുതുശേരിക്കുടി ജയിംസ്, പുളിക്കല്‍ ജോര്‍ജ്ജ്, ഇബ്രാഹിം ആനിച്ചുവട്ടില്‍ സണ്ണി,വാലയില്‍ എന്നിവരുടെ കൃഷിയിടങ്ങളും നശിച്ചു. വീട് നഷ്ടപ്പെട്ടവര്‍ക്ക് അടിയന്തരമായി വീട് പുനര്‍നിര്‍മ്മിക്കാന്‍ നടപടി സ്വീകരിക്കണമെന്ന് നാട്ടുകാര്‍ ആവശ്യപ്പെട്ടു.