കിനാലൂര്‍: കുറുമ്പൊയില്‍ കൂരിക്കുന്നുമ്മല്‍ നാരായണന്‍ നായരുടെയും കാര്‍ത്ത്യായനിയുടെയും മകനായ ടി.എം സത്യന്റെ വിയോഗം കുറുമ്പൊയിലിനെ കണ്ണീരിലാഴ്ത്തി. ഭാരതീയ ജനതാ പാര്‍ട്ടിയുടെ ബാലുശ്ശേരി മണ്ഡലം വൈസ് പ്രസിഡന്റായിരുന്ന സത്യന്റെ പ്രധാന പ്രവര്‍ത്തന മേഖല കുറുമ്പൊയിലും പനങ്ങാടുമായിരുന്നു. കൂലിപ്പണിക്ക് പോയി പൊതുരംഗത്തു സജീവമായി ഇടപെടുന്ന സത്യന്റെ പൊതുപ്രവര്‍ത്തനം മാതൃകയായിരുന്നു.
പ്രളയ ദുരിതത്തില്‍ പ്രയാസം നേരിട്ടവരെ ആശ്വസിപ്പിക്കാനും ആവശ്യമായ സൗകര്യങ്ങള്‍ ചെയ്തു കൊടുക്കാനും സത്യന്‍ മുന്നിലുണ്ടായിരുന്നു.
സത്യന്റെ പൊടുന്നനെയുള്ള വിയോഗവാര്‍ത്ത കുറുമ്പൊയിലിനെ കണ്ണീരിലാഴ്ത്തുകയായിരുന്നു.