കൊച്ചി: മാധ്യമപ്രവര്‍ത്തകര്‍ക്കു നേരെ അഭിഭാഷകരുടെ കലി അടങ്ങുന്നില്ല. കോടതി ബഹിഷ്‌കരണത്തിനു പുറമെ പത്രം കത്തിച്ചാണ് അഭിഭാഷകര്‍ വീണ്ടും പ്രകോപനം ഉണ്ടാക്കിയത്.

കൊച്ചിയിലും തിരുവനന്തപുരത്തും നടന്ന പ്രതിഷേധങ്ങള്‍ക്ക് പിന്തുണ പ്രഖ്യാപിച്ചാണ് അഭിഭാഷകര്‍ പത്രങ്ങള്‍ കത്തിച്ചത്. ബാര്‍ അസോസിയേഷന്‍ ഭാരവാഹികളുടെ നേതൃത്വത്തിലാണ് പ്രതിഷേധം നടന്നത്.

രാവിലെ എറണാകുളം പ്രസ് ക്ലബ് പരിസരത്തേക്കു മാര്‍ച്ചും നടത്തി. ഗസ്റ്റ് ഹൗസിന് മുന്നില്‍ പൊലിസ് ബാരിക്കേഡ് ഉപയോഗിച്ച് മാര്‍ച്ച് തടഞ്ഞു.