വാഷിങ്ടണ്‍: അധികാരത്തിലേറി നാളുകള്‍ക്കകം പാക് പ്രധാനമന്ത്രി ഇമ്രാന്‍ ഖാന് യു.എസിന്റെ ആദ്യ പ്രഹരം. പാകിസ്താന് നല്‍കി വന്ന സൈനിക സഹായം യു.എസ് പിന്‍വലിച്ചു. തീവ്രവാദത്തിനെതിരെ അടിയന്ത നടപടികള്‍ സ്വീകരിക്കുന്നതില്‍ പാകിസ്താന്‍ പരാജയപ്പെട്ടതിനാലാണ് തീരുമാനമെന്നാണ് യു.എസ് നല്‍കുന്ന വിശദീകരണം. ഏകദേശം 2130.15കോടി രൂപ(300മില്യണ്‍ യു.എസ് ഡോളര്‍) യുടെ സഹായമാണ് യു.എസ് നിര്‍ത്തലാക്കുന്നത്.

അഫ്ഗനിസ്താനില്‍ വേട്ടയാടിക്കൊണ്ടിരിക്കുന്ന തീവ്രവാദികള്‍ക്ക് സുരക്ഷിത സ്ഥാനമൊരുക്കുകയാണ് യു.എസ് ചെയ്യുന്നതെന്ന് ട്രംപ് കുറ്റപ്പെടുത്തി. പാകിസ്താനുള്ള സഹായം നേരത്തെ യു.എസ് ഭാഗികമായി നിര്‍ത്തലാക്കിയിരുന്നു.