മട്ടാഞ്ചേരി: ബസാറില്‍ കൂനന്‍ കുരിശു ദേവാലയത്തിനു സമീപത്തെ പൗരാണിക കെട്ടിടത്തിന്റെ ഒന്നാം നില തകര്‍ന്നു വീണു. ഓട്ടോ ഡ്രൈവര്‍ എം.പി ഹമീദും കുടുംബവും താമസിച്ചിരുന്ന 5592 നമ്പര്‍ കെട്ടിടത്തിന്റെ മുകള്‍ നിലയാണ് തകര്‍ന്നത്.
 വെള്ളിയാഴ്ച ഉച്ചക്ക് രണ്ടു മണിയോടെയായിരുന്നു സംഭവം. ഈ സമയം ഹമീദും കടുംബവും സ്ഥലത്തിലാതിരുന്നതിനാല്‍ വന്‍ ദുരന്തം ഒഴിവായി.
എതാണ്ട് ഇരുന്നൂറ് വര്‍ഷം പഴക്കമുള്ള കെട്ടിടത്തിന്റെ താഴത്തെ നിലയില്‍ രണ്ടു കടകളാണ് പ്രവര്‍ത്തിക്കുന്നത്. ഒന്നാം നിലയിലെ ഓടിട്ട മേല്‍ക്കൂര പൂര്‍ണ്ണമായും തകര്‍ന്നു വീണതോടെ വീടിനകത്തെ ഗൃഹോപകരണങ്ങള്‍ പാടെ തകര്‍ന്നു.