ചാത്തന്നൂര്‍: പാരിപ്പള്ളി കടമ്പാട്ടുകോണം കാളച്ചന്തയ്ക്ക് സമീപത്തെ വ്യാപാരസ്ഥാപനത്തില്‍ നിന്ന് ലഹരിവസ്തുക്കള്‍ പിടികൂടി. സ്ഥാപന ഉടമ രജീഷ് ഭവനില്‍ രമേശിനെ(35)പാരിപ്പള്ളി പൊലിസ് അറസ്റ്റ് ചെയ്തു. രഹസ്യവിവരം ലഭിച്ചതിനെ തുടര്‍ന്ന് ഇന്നലെ ഉച്ചയ്ക്ക് നടത്തിയ പരിശോധനയില്‍ അഞ്ഞൂറോളം കവര്‍ പാന്‍പരാഗ്, ശംബു എന്നിവ കണ്ടെടുത്തു. പരവൂര്‍ സി.ഐ നസീറിന്റെ നേതൃത്വത്തില്‍ നടത്തിയ പരിശോധനയില്‍ അഡി. എസ.്‌ഐ ജയചന്ദ്രന്‍, എ.എസ്.ഐ ബാബുരാജ്, എസ്.ഐ തുളസീധരന്‍ എന്നിവര്‍ പങ്കെടുത്തു.