ആറ്റിങ്ങല്‍: തോന്നയ്ക്കല്‍ കുമാരനാശാന്‍ ദേശീയ സാംസ്‌കാരിക ഇന്‍സ്റ്റിറ്റ്യൂട്ടിന്റെ ഈ വര്‍ഷത്തെ വീണപൂവ് ശതാബ്ദി സമ്മാനം പ്രൊഫ. എസ്. സുധീഷിന്. 'ആശാന്‍ കവിത, സ്തീപുരുഷ സമവാക്യത്തിലെ കലാപം' എന്ന പുസ്തകത്തിനാണ് സമ്മാനം. ആശാന്‍ കൃതികളുടെ പഠന സംബന്ധമായി കഴിഞ്ഞ അഞ്ചുവര്‍ഷത്തിനുള്ളില്‍ പ്രസിദ്ധീകരിച്ച കൃതികളില്‍ നിന്നുമാണ് പുസ്തകം അവാര്‍ഡിനായി തിരഞ്ഞെടുത്തത്.
പെരുമ്പുഴ ഗോപാലകൃഷ്ണന്‍ ചെയര്‍മാനായും പ്രൊഫ. വിശ്വമംഗലം സുന്ദരേശന്‍,ഡോ. വിളക്കുടി രാജേന്ദ്രന്‍ എന്നിവര്‍ അംഗവുമായുള്ള വിധിനിര്‍ണയ സമിതിയാണ് സമ്മാനം പ്രഖ്യാപിച്ചത്.