തൊടുപുഴ: റബര്‍ ടാപ്പിങ് തൊഴിലാളി യുവാവിന്റെ കുത്തേറ്റ് മരിച്ചു. കാളിയാര്‍ പൊലിസ് സ്റ്റേഷന്‍ അതിര്‍ത്തിയിലെ കോടിക്കുളം നെയ്യശ്ശേരി കോട്ട റോഡിലുള്ള റബര്‍ തോട്ടത്തില്‍ ഇന്നലെ രാവിലെയായിരുന്നു സംഭവം. കാളിയാര്‍ എസ്റ്റേറ്റില്‍ താമസക്കാരനായ സദാനന്ദനാണ് (64) കൊല്ലപ്പെട്ടത്. അയല്‍വാസിയായ ആന്‍സനാണ് (20) കൊലപാതകം നടത്തിയതെന്ന് പൊലിസ് പറഞ്ഞു. രാവിലെ ടാപ്പിങ്ങിനെത്തിയ സദാനന്ദനെ പിന്നില്‍ നിന്ന് കുത്തി വീഴ്ത്തുകയായിരുന്നു.
കഴുത്തില്‍ മുറിവേറ്റ സദാനന്ദനെ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. എസ്റ്റേറ്റിലെ താമസസ്ഥലത്ത് ആന്‍സണ്‍ കൂട്ടുകാരെ വിളിച്ചു കൊണ്ടുവന്നത് കഴിഞ്ഞ ദിവസം സദാനന്ദന്‍ ചോദ്യം ചെയ്തിരുന്നു. ഇതുസംബന്ധിച്ച് എസ്റ്റേറ്റ് മാനേജര്‍ക്ക് പരാതിയും നല്‍കി. ഇതേത്തുടര്‍ന്നുണ്ടായ വിരോധമാണ് കൊലപാതകത്തില്‍ കലാശിച്ചതെന്ന് പറയപ്പെടുന്നു. സംഭവത്തിനു ശേഷം രക്ഷപ്പെട്ട പ്രതിയെ പിതാവ് കാളിയാര്‍ പൊലിസാണ് പിടികൂടിയത്.