റിയാദ്: ഉംറ നിര്‍വഹിച്ചുതിരിച്ചു വരുന്നതിനിടെ മലയാളി കുടുംബം സഞ്ചരിച്ച വാഹനം മറിഞ്ഞ് യുവതി മരിച്ചു. മലപ്പുറം മഞ്ചേരി തുറക്കല്‍ സ്വദേശി അബ്ദുറസാഖിന്റെ മകള്‍ സനോബര്‍ (20)ആണ് മരിച്ചത്. ഇളയമകള്‍ തമന്നയെ ഗുരുതര പരുക്കുകളോടെ നസീമിലെ കിംഗ് അബ്ദുല്‍ അസീസ് ആശുപത്രിയില്‍ പ്രവേശിപ്പിച്ചു. ഇവര്‍ സഞ്ചരിച്ചിരുന്ന കാര്‍ മുസാഹ് മിയയില്‍ ഡിവൈഡറില്‍ തട്ടി മറിയുകയായിരുന്നു. സനോബര്‍ സംഭവ സ്ഥലത്ത് തന്നെ മരിച്ചു. മക്കയില്‍ നിന്നും തീര്‍ത്ഥാടനം കഴിഞ്ഞു താമസ സ്ഥലമായ ദമാമിലേക്ക് മടങ്ങുന്നതിനിടെയാണ് അപകടം. ദമാമിലെ ഒരു കമ്പനിയിലെ പ്രൊജക്ട് മാനേജറാണ് അബ്ദുറസാഖ്. കുടുംബം അടുത്തിടെ സന്ദര്‍ശക വിസയിലെത്തിയതായിരുന്നു.