ജിദ്ദ: കൊണ്ടോട്ടി ഇ.എം.ഇ.എ ഹയര്‍ സെക്കന്‍ഡറി സ്‌കൂള്‍ പൂര്‍വ വിദ്യാര്‍ഥി സംഘടനയായ 'ഇ.എം.ഇ.എ ഹോസ'യുടെ ആഭിമുഖ്യത്തില്‍ ഇഫ്്താര്‍ സംഗമം സംഘടിപ്പിച്ചു. റാറ അവീസ് ഓഡിറ്റോറിയത്തില്‍ നടന്ന പരിപാടിയില്‍ പ്രസിഡന്റ് ജംഷാദ് ഷാനു അധ്യക്ഷത വഹിച്ചു. എ.ടി ബാവ തങ്ങള്‍ ഉദ്ഘാടനം ചെയ്തു. കബീര്‍ കൊണ്ടോട്ടി റമദാന്‍ സന്ദേശം നല്‍കി. റഫീഖ് മാങ്കായി, റഹ്മത് അലി എരഞ്ഞിക്കല്‍, ശംസീര്‍ നീറാട് തുടങ്ങിയവര്‍ സംസാരിച്ചു. സെക്രട്ടറി ഷാഹിദ് കളപ്പുറത്ത് സ്വാഗതവും നൗഷാദ് ബാവ നന്ദിയും പറഞ്ഞു.

എസ്.എസ്.എല്‍.സി പരീക്ഷയില്‍ 100 ശതമാനം വിജയം നേടി, ജില്ലയില്‍ മികച്ച നേട്ടം കൈവരിച്ച സ്‌കൂളിനുള്ള പൂര്‍വ്വ വിദ്യാര്‍ഥികളുടെ ഉപഹാരം ചടങ്ങില്‍ വച്ച് കൈമാറി. അംഗങ്ങള്‍ക്കായി തെരഞ്ഞെടുപ്പ് പ്രവചന മത്സരവും സംഘടിപ്പിച്ചു. തെരഞ്ഞെടുക്കപ്പെട്ട വിദ്യാര്‍ഥികള്‍ക്ക് സ്‌കോളര്‍ഷിപ്പ് എര്‍പ്പെടുത്താനും തീരുമാനിച്ചു. കെ.എം അനസ് പുളിക്കല്‍ ഖിറാഅത്ത് നടത്തി. ഇര്‍ഷാദ് കളത്തിങ്ങല്‍, ശമീര്‍ നീറാട്, സിറാജ് പേങ്ങാട്, അഫ്‌സല്‍ മായക്കര, ഷാജി തുറക്കല്‍ തുടങ്ങിയവര്‍ നേതൃത്വം നല്‍കി.