കൊണ്ടോട്ടി: കുടിവെള്ളം വിതരണം ചെയ്ത് യൂത്ത് കോണ്‍ഗ്രസ് സംസ്ഥാന പ്രസിഡന്റ് അഡ്വ. ഡീന്‍ കൂര്യാക്കോസ് നയിക്കുന്ന യൂത്ത് മാര്‍ച്ച് ജില്ലയില്‍ പ്രവേശിച്ചു. ഐക്കരപ്പടിയില്‍ പ്രവര്‍ത്തകരും നേതാക്കളും ചേര്‍ന്നു ജാഥയെ സ്വീകരിച്ചു. മൂവായിരം ലിറ്റര്‍ വെള്ളമാണ് വിതരണത്തിനെത്തിച്ചത്.
പിന്നീട് വാഹനങ്ങളുടെ അകമ്പടിയോടെ ആദ്യ പൊതുപരിപാടിയായ കൊണ്ടോട്ടിയിലേക്ക് ആനയിച്ചു. ഡി.സി.സി.പ്രസിഡന്റ് വി.വി പ്രകാശ്, എ.പി അനില്‍കുമാര്‍ എം.എല്‍.എ, വി.എ കരീം, ഇ. മുഹമ്മദ് കുഞ്ഞി, പി. ഇഫ്തിഖാറുദ്ദീന്‍, റിയാസ് മുക്കോളി, കെ.ടി അജ്മല്‍, കെ.എ അറാഫത്ത്, എ.കെ അബ്ദുര്‍റഹിമാന്‍, പി. നിതീഷ്, ലത്വീഫ് കൂട്ടാലുങ്ങല്‍ നേതൃത്വം നല്‍കി.