വാഷിങ്ടണ്‍: അലാസ്‌ക തീരത്തിനു മുകളില്‍ അന്താരാഷ്ട്ര വ്യോമപരിധിയില്‍ നിരവധി റഷ്യന്‍ ബോംബറുകളെ യു.എസ് യുദ്ധവിമാനങ്ങള്‍ തടഞ്ഞു. റഷ്യയുടെ ടിയു-95 ദീര്‍ഘദൂര ബോംബര്‍ വിമാനങ്ങളെയാണ് യു.എസിന്റെ എഫ്- 22 യുദ്ധവിമാനങ്ങള്‍ തടഞ്ഞത്.
ഒരു വര്‍ഷത്തിനിടെ ഇത് അഞ്ചാം തവണയാണ് അലാസ്‌കന്‍ വ്യോമ പ്രതിരോധ തിരിച്ചറിയല്‍ മേഖലയില്‍ റഷ്യന്‍ യുദ്ധവിമാനങ്ങള്‍ അതിക്രമിച്ചു കടക്കുന്നതെന്ന് യു.എസ് സൈനിക ഉദ്യോഗസ്ഥന്‍ പറഞ്ഞു. കഴിഞ്ഞ ദിവസം റഷ്യന്‍ ബോംബറുകള്‍ ഉത്തര അമേരിക്കന്‍ പ്രതിരോധ മേഖലയില്‍ കടന്നിരുന്നു. മെയ് 10ന് രണ്ട് യു.എസ് ഫൈറ്റര്‍ ജെറ്റുകള്‍ അലാസ്‌കയ്ക്കു സമീപം വച്ച് രണ്ട് റഷ്യന്‍ യുദ്ധവിമാനങ്ങളെ തടഞ്ഞിരുന്നു.