ചെര്‍പ്പുളശ്ശേരി: വര്‍ത്തമാന സമൂഹം സാംസ്‌കാരികം ജീര്‍ണതയുടെ പടുകുഴിയില്‍ ഞെരുങ്ങുമ്പോള്‍ തിന്മകള്‍ക്കെതിരേ വിവേചനരഹിതമായ പോരാട്ടത്തിന് യുവജനത സജ്ജമാകണമെന്ന് മുസ്‌ലിം യൂത്ത് ലീഗ് സംസ്ഥാന ജനറര്‍ സെക്രട്ടറി പി.കെ ഫിറോസ്. ചെര്‍പ്പുളശ്ശേരി മുന്‍സിപ്പല്‍ ടൗണ്‍ ഹാളില്‍ നടന്ന മുസ്‌ലിം യൂത്ത് ലീഗ് ജില്ലാ ലീഡേഴ്‌സ് മീറ്റ് ഉദ്ഘാടനം ചെയ്യുകയായിരുന്നു അദ്ദേഹം.
സ്വന്തം സമുദായത്തിലേയും കുടുംബത്തിലെയും സാംസ്‌കാരിക ജീര്‍ണതകള്‍ക്കെതിരെയാണ് ആദ്യം പ്രതികരിക്കേണ്ടതും തിരുത്തിക്കേണ്ടതും.  ആവരവര്‍ ഉള്‍ക്കൊള്ളുന്ന സമുദായത്തിലെ തെറ്റുകള്‍ക്ക് നേരെ കണ്ണടച്ച് മറ്റുള്ളവര്‍ക്കെതിരെ പ്രതിക്കുന്നത് വിരോധാഭാസമാണ് അദ്ദേഹം പറഞ്ഞു .
സോഷ്യല്‍ മീഡിയകളുടെ ദുരുപയോഗം വര്‍ധിച്ചു വരുന്ന സാഹചര്യത്തില്‍ ജാഗ്രത പുലര്‍ത്താന്‍ യുവാക്കള്‍ തയ്യാറാവണം. സംമൂഹത്തിന്റെ ബഹുസ്വരതയും സമാധാനവും തകര്‍ക്കപ്പെടുന്ന തരത്തിലേക്ക്  സോഷ്യല്‍ മീഡിയ വഴിയുള്ള ഇടപെടല്‍ ചെന്നെത്തുന്നു.
ഓണ്‍ലൈനില്‍ ഇരുന്ന് സമൂഹത്തെയും രാഷ്ട്രീയ പാര്‍ട്ടികളെയും ഉപദേശിക്കുന്നവര്‍  പലപ്പോഴും കഥ അറിയാതെ ആട്ടം കാണുന്നവരായി മാറുകയാണ്.
യൂത്ത് ലീഗ് പ്രവര്‍ത്തകര്‍ക്ക് സോഷ്യല്‍ മീഡിയ ഇടപെടലുകള്‍ക്ക് കര്‍ശന മാര്‍ഗ രേഖ സംഘടന നല്‍കീട്ടുണ്ടെന്നും ഫിറോസ് പറഞ്ഞു .
സി.എ സാജിത് അധ്യക്ഷനായി. ഗഫൂര്‍ കോല്‍കളത്തില്‍ സ്വാഗതം പറഞ്ഞു. മരക്കാര്‍ മാരായ മംഗലം, കെ.കെ.എ അസീസ്, എം.എ സമദ്, ഇസ്മായില്‍ വയനാട്, പി.പി അന്‍വര്‍ സാദത്ത്, എം. ബീരാന്‍ ഹാജി, അബ്ദുറഹ്മാന്‍ ചളവറ, ഇഖ്ബാല്‍ പുതുനഗരം,  മുസ്തഫ തങ്ങള്‍, മുജീബ് മല്ലിയില്‍, ഫാറൂഖ് മാസ്റ്റര്‍, പി.എസ് ഷബീറലി, സകരിയ കൊടുമുണ്ട, ഇബ്രാഹീം മെനകം, മാടാല മുഹമ്മദലി, അസീസ് തിരുവേഗപ്പുറ, ഷമീര്‍ പഴേരി, ഷറഫു പിലാക്കല്‍ പ്രസംഗിച്ചു. ഹകീം ചെര്‍പ്പുളശ്ശേരി നന്ദി പറഞ്ഞു.