ന്യൂഡല്‍ഹി: ബി.ജെ.പിക്കെതിരെ രൂക്ഷ വിമര്‍ശനവുമായി മുതിര്‍ന്ന അഭിഭാഷകനും സാമൂഹ്യപ്രവര്‍ത്തകനുമായ പ്രശാന്ത് ഭൂഷണ്‍. ബീഹാര്‍ തെരഞ്ഞെടുപ്പിന് മുന്നോടിയായി ബി.ജെ.പി പുറത്തിറങ്ങിക്കിയ പ്രകടന പത്രിക ചൂണ്ടിക്കാട്ടിയായിരുന്നു അദ്ദേഹത്തിന്റെ വിമര്‍ശനം.

കാര്യങ്ങള്‍ അവരുടെ കൈവിട്ട് പോയതിന്റെ നിരാശയാണ് ബി.ജെ.പിയുടെ പ്രകടനങ്ങളില്‍ നിന്ന് മനസ്സിലാവുന്നതെന്ന് അദ്ദേഹം പരഹസിച്ചു.

'കൊവിഡ് അവസാനിച്ചിട്ടില്ലെന്ന് പറഞ്ഞ് മോദി 6 മണിക്ക് രാഷ്ട്രത്തെ അഭിസംബോധന ചെയ്യുന്നു. പിന്നാലെ നിര്‍മല സീതാരാമന്‍ ബീഹാറിലേക്ക് സൗജന്യ കൊവിഡ് വാക്സിന്‍ വാഗ്ദാനം ചെയ്യുന്നു. ഇപ്പോഴിതാ കോണ്‍ഗ്രസിനെതിരെ ഐ.ടി റെയ്ഡ്. തേജസ്വി വിളിച്ചു കൂട്ടുന്ന ജനക്കൂട്ടം ബി.ജെ.പിയെ അലട്ടുന്നുണ്ടെന്ന് വ്യക്തമാണ്. കളികൈവിട്ടുപോയ നിരാശയാണ് ബി.ജെ.പിക്കെന്ന് ഇതില്‍ നിന്ന് മനസ്സിലാക്കാം'- അദ്ദേഹം ട്വീറ്റ് ചെയ്തു.

First Modi's vacuous 6 pm address to the Nation saying Covid is not over. Then Sitharaman promising free Covid vaccine for Bihar. Now IT raids on Congress. Clearly the BJP is very rattled by the crowds that Tejaswi is drawing. Such desperation shows they are losing the game https://t.co/XkqCreanrt

— Prashant Bhushan (@pbhushan1) October 22, 2020

ബീഹാര്‍ തെരഞ്ഞെടുപ്പിന്റെ ആദ്യ ഘട്ടത്തിന് ദിവസങ്ങള്‍ക്ക് മുമ്പ് പട്നയിലെ കോണ്‍ഗ്രസ് ആസ്ഥാനത്ത് ആദായനികുതി ഉദ്യോഗസ്ഥര്‍ നോട്ടിസ് നല്‍കിയത്.

കൊവിഡ് വാക്സിനെ രാഷ്ട്രീയായുധമാക്കിക്കൊണ്ടായിരുന്നു ബീഹാറില്‍ ബി.ജെ.പി പുറത്തിറക്കിയ പ്രകടന പത്രിക. തെരഞ്ഞെടുപ്പില്‍ വിജയിക്കുകയാണെങ്കില്‍ ബീഹാറിലെ ഓരോരുത്തര്‍ക്കും സൗജന്യമായി കൊവിഡ് വാക്സിന്‍ ലഭ്യമാക്കുമെന്നാണ് പ്രകടന പത്രികയിലെ ആദ്യ വാഗ്ദാനം. ബി.ജെ.പിയുടെ നടപടിയെ വിമര്‍ശിച്ച് കോണ്‍ഗ്രസ് ഉള്‍പ്പെടെയുള്ള പാര്‍ട്ടികള്‍ രംഗത്തെത്തിയിരുന്നു.
േ