ന്യൂഡല്‍ഹി: സമഗ്ര ദേശീയ വിദ്യാഭ്യാസ നയത്തിന്റെ ഭാഗമായി മൂന്ന് ഭാഷകള്‍ പഠിക്കണമെന്നതു സംബന്ധിച്ച വിവാദം കത്തിനില്‍ക്കേ, നയത്തിന് പിന്തുണയുമായി കോണ്‍ഗ്രസ് എം.പി ശശി തരൂര്‍.
ഉത്തരേന്ത്യയില്‍ മലയാളമോ തമിഴോ സംസാരിക്കുന്നില്ലെന്നും അവിടെ ഹിന്ദിയാണ് സംസാരിക്കുന്നതെന്നും തരൂര്‍ പറഞ്ഞു. ദക്ഷിണേന്ത്യയില്‍ രണ്ടാം ഭാഷയായിട്ടാണ് ഹിന്ദി പഠിക്കുന്നത്. എന്നാല്‍ ഉത്തരേന്ത്യയില്‍ ആരും തന്നെ മലയാളമോ തമിഴോ പഠിക്കുന്നില്ല. അതുകൊണ്ടുതന്നെ പുതിയ നയത്തിന്റെ കാര്യത്തില്‍ വിട്ടുവീഴ്ച ചെയ്യേണ്ടതില്ലെന്നും എന്നാല്‍ നടപ്പാക്കുന്ന കാര്യത്തില്‍ മാറ്റമുണ്ടാക്കുകയാണ് വേണ്ടതെന്നും തരൂര്‍ ആവശ്യപ്പെട്ടു.