കോഴിക്കോട്: പുഷ്പശ്രീ ട്രസ്റ്റിന്റെ 24ാമത് തിക്കോടിയന്‍ പുരസ്‌കാരത്തിന് പ്രശസ്ത നാടകകൃത്ത് സി.എല്‍ ജോസിനെ തെരഞ്ഞെടുത്തതായി പി.വി ഗംഗാധരനും സെക്രട്ടറി എന്‍.ബി കൃഷ്ണക്കുറുപ്പും അറിയിച്ചു. ഓഗസ്റ്റ് 13ന് കെ.പി കേശവമേനോന്‍ ഹാളില്‍ നടക്കുന്ന ചടങ്ങില്‍ പുരസ്‌കാരം സമര്‍പിക്കും.
ശില്‍പവും പ്രശസ്തിപത്രവും 15,000 രൂപയും അടങ്ങുന്നതാണ് അവാര്‍ഡ്. നാടകരംഗത്ത് അരനൂറ്റാണ്ടിലേറെയായി വിവിധ മേഖലകളില്‍ പ്രവര്‍ത്തിക്കുന്ന സി.എല്‍ ജോസ് 36 സമ്പൂര്‍ണ നാടകങ്ങളും 75 ലേറെ ഏകാങ്ക നാടകങ്ങളും മറ്റു നിരവധി കൃതികളും ചിച്ചിട്ടുണ്ട്. തൃശൂര്‍ സ്വദേശിയാണ്.