കിശ്ത്വാര്‍: ജമ്മു കശ്മീരില്‍ മിനി ബസ് കൊക്കയിലേക്ക് മറിഞ്ഞ് 13 പേര്‍ മരിച്ചു. കിശ്ത്വാര്‍ ജില്ലയിലാണ് അപകടം. 13 പേര്‍ക്ക് പരുക്കേല്‍ക്കുകയും ചെയ്തു.

കേശ്വന്‍ മേഖലയില്‍ നിന്ന് കിശ്ത്വാറിലേക്ക് പോകുന്നതിനിടെയാണ് അപകടം. ഥാക്രായിക്കടുത്ത് ദാണ്ഡാരന്‍ എന്ന സ്ഥലത്താണ് ബസ് മറിഞ്ഞത്. നിയന്ത്രണം വിട്ട ബസ് 300 അടി താഴ്ചയിലേക്ക് പതിക്കുകയായിരുന്നു.

30 പേരാണ് ബസിലുണ്ടായിരുന്നത്. സ്ഥലത്ത് രക്ഷാപ്രവര്‍ത്തനം തുടരുന്നതായി പൊലിസ് അറിയിച്ചു.