നീലേശ്വരം(കാസര്‍കോട്): കാലാവസ്ഥ വ്യതിയാനവും പരിസ്ഥിതി നശീകരണവും വര്‍ധിക്കുന്ന സാഹചര്യത്തില്‍ വിദ്യാര്‍ഥികളിലാണ് പ്രതീക്ഷയെന്ന് റവന്യുഭവന നിര്‍മ്മാണ വകുപ്പ് മന്ത്രി ഇ.ചന്ദ്രശേഖരന്‍ പറഞ്ഞു. നീലേശ്വരം കോണ്‍വെന്റ് ജംഗ്ഷനില്‍ ഹയര്‍ സെക്കന്ററി വകുപ്പ് എന്‍.എസ്.എസ് സംസ്ഥാന തല പരിസ്ഥിതി ദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി.
കുപ്പിവെള്ളം വാങ്ങുന്നതു പോലെ ഓക്‌സിജന്‍ വിലക്കെടുത്തു വാങ്ങേണ്ട സാഹചര്യം നമ്മുടെ നാട്ടിലും വരാനിടയുണ്ട്.
മരങ്ങള്‍ നട്ടുവളര്‍ത്തിയും ജലവും വായുവും ഭൂമിയും മലീമസമാകാതെ സംരക്ഷിച്ചും പരിസ്ഥിതിയെ കാത്തുസംരക്ഷിക്കണമെന്നും മന്ത്രി പറഞ്ഞു.