തിരുവനന്തപുരം: മുഖ്യമന്ത്രി പിണറായി വിജയന്‍ ആര്‍.എസ്.എസിന്റെ ഏജന്റാണെന്ന് കോണ്‍ഗ്രസ് നേതാവ് കെ. മുരളീധരന്‍. എന്തിനാണ് മുഖ്യമന്ത്രി ഒളിച്ച് കളിക്കുന്നതെന്നും, തൃശൂര്‍ പൂരം കലക്കലില്‍ ജുഡീഷ്യല്‍ അന്വേഷണം പ്രഖ്യാപിക്കുന്നത് വരെ കോണ്‍ഗ്രസ് സമരം ചെയ്യുമെന്നും കെ. മുരളീധരന്‍ പറഞ്ഞു. 

' ഡിജിപിക്ക് സംസ്ഥാനത്തെ പറ്റി ഒന്നും അറിയില്ല. തലസ്ഥാനത്ത് ഗുണ്ടാസംഘങ്ങള്‍ അഴിഞ്ഞാടുമ്പോളും, അജിത് കുമാര്‍ വിലസുമ്പോളും മിണ്ടാതിരുന്നയാളാണ് ഡിജിപി. കാരണം മിണ്ടിയാല്‍ അദ്ദേഹത്തിന്റെ സ്ഥാനം തെറിക്കും,' മുരളീധരന്‍ പറഞ്ഞു. 

ഇത് ആദ്യമായല്ല മുഖ്യമന്ത്രിക്കെതിരെ കടുത്ത ഭാഷയില്‍ പ്രതിഷേധിച്ച് മുരളീധരന്‍ രംഗത്തെത്തുന്നത്. നേരത്തെ യോഗി ആദിത്യനാഥിനേക്കാള്‍ ആര്‍.എസ്.എസിന് വിശ്വാസം പിണറായി വിജയനെയാണെന്നും, പുരം കലക്കി സുരേഷ് ഗോപിയെ ഡല്‍ഹിക്ക് അയച്ച പോലെ പൊങ്കാല കലക്കി തിരുവനന്തപുരം നഗരസഭ ബി.ജെ.പിക്ക് കൊടുക്കുമോ എന്നും മുരളീധരന്‍ ചോദിച്ചിരുന്നു. മാത്രമല്ല പൊലിസ് നല്‍കിയ റിപ്പോര്‍ട്ടില്‍ സി.പി.ഐക്ക് വിശ്വാസം ഉണ്ടോയെന്നും മുരളീധരന്‍ പറഞ്ഞിരുന്നു.

congress leader k muraleedharan slams cheif minister pinarayi vijayan on dgp report