ഹൈദരാബാദ്: തിരുപ്പതി ലഡുവില്‍ മൃഗക്കൊഴുപ്പ് ഉപയോഗിച്ചെന്ന ആരോപണത്തെ തുടര്‍ന്നുള്ള രാഷ്ട്രീയ ഏറ്റുമുട്ടൽ തുടരുകയാണ്. എന്നാലിത് തിരുപ്പതി ക്ഷേത്രത്തിലെ ലഡു വില്‍പ്പനയെ ബാധിച്ചിട്ടില്ലെന്നാണ് റിപ്പോര്‍ട്ട്. 14 ലക്ഷത്തിലധികം തിരുപ്പതി ലഡുവാണ് നാല് ദിവസത്തിനിടെ  വിറ്റഴിച്ചതെന്ന ക്ഷേത്ര ഭരണസമിതി അറിയിച്ചു.

സെപ്റ്റംബര്‍ 19 ന് 3.59 ലക്ഷം ലഡുവും, സെപ്റ്റംബര്‍ 20 ന് 3.17 ലക്ഷവും, സെപ്റ്റംബര്‍ 21 ന് 3.67 ലക്ഷവും, സെപ്റ്റംബര്‍ 22 ന് 3.60 ലക്ഷവും വിറ്റതായി കണക്കുകള്‍ ചൂണ്ടിക്കാണിക്കുന്നു. വില്‍പ്പന കണക്കുകള്‍ പ്രതിദിന ശരാശരിയായ 3.50 ലക്ഷം ലഡുവുമായി പൊരുത്തപ്പെടുന്നതായും കണക്കുകള്‍ പറയുന്നു.

വൈഎസ്ആര്‍ കോണ്‍ഗ്രസിന്റെ ഭരണകാലത്ത് തിരുപ്പതി ലഡു തയാറാക്കാന്‍ ഉപയോഗിച്ചിരുന്ന നെയ്യില്‍ മൃഗക്കൊഴുപ്പ് ചേര്‍ത്തിരുന്നതായി ആന്ധ്രാപ്രദേശ് മുഖ്യമന്ത്രി എന്‍ ചന്ദ്രബാബു നായിഡു ആരോപിച്ചിരുന്നു, തുടര്‍ന്നാണ് തിരുപ്പതി ക്ഷേത്രം വിവാദത്തിന്റെ കേന്ദ്രമായത്. സംസ്ഥാന സര്‍ക്കാര്‍ സംഭവത്തെക്കുറിച്ച് അന്വേഷിക്കാന്‍ പ്രത്യേക അന്വേഷണ സംഘത്തിന് രൂപം നല്‍കിയിട്ടുണ്ട്. മതപരമായ കാര്യങ്ങള്‍ രാഷ്ട്രീയവല്‍ക്കരിക്കുകയാണ് ഭരണകക്ഷിയായ ടിഡിപിയെന്നായിരുന്നു മുന്‍ മുഖ്യമന്ത്രി വൈ എസ് ജഗന്‍ മോഹന്‍ റെഡ്ഡി ആരോപിച്ചത്.

Despite ongoing controversies, Tirupati Laddu sales remain unaffected, with an impressive 14 lakh units sold within four days, demonstrating the enduring popularity of this revered temple offering.