HOME
DETAILS

നടിയെ ആക്രമിച്ച കേസ്: വിചാരണക്കോടതിക്കെതിരേ സര്‍ക്കാരും

  
backup
October 31 2020 | 06:10 AM

%e0%b4%a8%e0%b4%9f%e0%b4%bf%e0%b4%af%e0%b5%86-%e0%b4%86%e0%b4%95%e0%b5%8d%e0%b4%b0%e0%b4%ae%e0%b4%bf%e0%b4%9a%e0%b5%8d%e0%b4%9a-%e0%b4%95%e0%b5%87%e0%b4%b8%e0%b5%8d-%e0%b4%b5%e0%b4%bf%e0%b4%9a-6

 


കൊച്ചി: നടി ആക്രമിക്കപ്പെട്ട കേസില്‍ വിചാരണക്കോടതി മാറ്റണമെന്നാവശ്യപ്പെട്ട് സമര്‍പ്പിച്ച ഹരജി പരിഗണിക്കുന്നത് ഹൈക്കോടതി തിങ്കളാഴ്ചത്തേക്ക് മാറ്റി. വിചാരണക്കോടതി മാറ്റണമെന്നാവശ്യപ്പെട്ട് കേസിലെ ഇരയാണ് ഹൈക്കോടതിയെ സമീപിച്ചത്. വിചാരണക്കോടതി മാറ്റണമെന്നാവശ്യപ്പെട്ടു സര്‍ക്കാര്‍ സമര്‍പ്പിച്ച ഹരജിയും കോടതിയുടെ പരിഗണനയ്‌ക്കെത്തി.
പരാതിക്കാരിയുടെ ആക്ഷേപങ്ങള്‍ വിചാരണക്കോടതി പരിഗണിച്ചില്ലെന്ന് സര്‍ക്കാര്‍ ഹൈക്കോടതിയെ അറിയിച്ചു. പ്രതികള്‍ക്ക് നല്‍കുന്ന രേഖകള്‍ പ്രോസിക്യൂഷന് ലഭിക്കുന്നില്ലെന്നും സര്‍ക്കാര്‍ അറിയിച്ചു. പരാതികള്‍ എന്തുകൊണ്ടു വിചാരണക്കോടതിയെ അറിയിച്ചില്ലെന്ന് ഹൈക്കോടതി ആരാഞ്ഞു. പരാതികള്‍ വിചാരണക്കോടതിയില്‍ തന്നെ ബോധിപ്പിച്ചതാണെന്ന് സര്‍ക്കാര്‍ അറിയിച്ചു. വിശദമായ സത്യവാങ്മൂലം മുദ്രവച്ച കവറില്‍ സമര്‍പ്പിക്കാന്‍ പ്രോസിക്യുഷനു കോടതി നിര്‍ദേശം നല്‍കി. കോടതിയില്‍ വിചാരണ ഇല്ലാതിരുന്ന ദിവസം ദൃശ്യങ്ങളുടെ ഫോറന്‍സിക് പരിശോധനാ ഫലം എട്ടാം പ്രതിയുടെ അഭിഭാഷകന് കൈമാറിയ നടപടി ശരിയല്ലെന്നും ഹരജിക്കാരി വ്യക്തമാക്കി.
പ്രോസിക്യൂഷന്റെ അസാന്നിധ്യത്തില്‍ അഭിപ്രായം പരിഗണിക്കാതെയായിരുന്നു ഈ നടപടിയെന്നും നടിയുടെ ഹരജിയില്‍ പറയുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."