ന്യൂഡൽഹി: ഗോവ ഗവർണർ പി.എസ്. ശ്രീധരൻപിള്ളയെ ഗവർണർ സ്ഥാനത്ത് നിന്ന് മാറ്റി. അശോക് ഗജപതി രാജുവിനെ പുതിയ ഗോവ ഗവർണറായി നിയമിച്ചു. ഒന്നാം മോദി സർക്കാരിൽ കേന്ദ്ര സിവിൽ വ്യോമയാന മന്ത്രിയായിരുന്നു ആന്ധ്രയിൽ നിന്നുള്ള അശോക് ഗജപതി രാജു. 2021 ജൂലൈയിലാണ് ശ്രീധരൻപിള്ള ഗോവ ഗവർണറായത്. ഗോവയിൽ നിന്ന് മാറ്റിയെങ്കിലും ശ്രീധരൻപിള്ളയ്ക്ക് മറ്റു സംസ്ഥാനങ്ങളുടെ ചുമതലയോ മറ്റു നിയമനമോ നൽകിയിട്ടില്ല. 

കേരളത്തിൽ നിന്നുള്ള ബിജെപി നേതാവായ ശ്രീധരൻപിള്ളയെ 2019 ലാണ് ഗവർണറായി നിയമിക്കുന്നത്. മിസോറാമിലായിരുന്നു ഗവർണായി ആദ്യ നിയമനം. 2019 ഒക്ടോബർ മുതൽ 2021 ജൂലൈ വരെ മിസോറാം ഗവർണറായിരുന്നു. പിന്നീട് ഇവിടെ നിന്നും ഗോവയിലേക്ക് മാറ്റി. 2021 ജൂലൈ 7 മുതൽ 2025 ജൂലൈ 14 വരെ ഗോവ ഗവർണറായി സേവനമനുഷ്ഠിച്ചു.

ALSO READ: ബോയിംഗ് 787 വിമാനങ്ങളിലെ ഇന്ധന നിയന്ത്രണ സ്വിച്ചുകൾ പരിശോധിക്കാൻ നിർദേശം നൽകി ഇത്തിഹാദ്; നടപടി ഇന്ത്യയിലെ അപകടത്തിന്റെ പശ്ചാത്തലത്തിൽ

അതേസമയം, ലഡാക്കിൽ ബി.ഡി. മിശ്ര രാജിവച്ച ഒഴിവിൽ കവീന്ദർ ഗുപ്ത പുതിയ ഗവർണറാകും. ജമ്മു കശ്മീരിലെ മുതിർന്ന ബിജെപി നേതാവും മുൻ ഉപമുഖ്യമന്ത്രിയുമാണ് കവീന്ദർ ഗുപ്ത. ഹാഷിം കുമാർ ഘോഷാണ് പുതിയ ഹരിയാന ഗവർണർ. അക്കാദമിക്, രാഷ്ട്രീയ ചിന്തകനാണ് പ്രൊഫ. ആഷിം കുമാർ ഘോഷ്.

P.S. Sreedharan Pillai has been removed from the post of Governor of Goa, and Ashok Gajapathi Raju has been appointed as the new Governor. Raju, a senior leader from Andhra Pradesh, previously served as the Union Civil Aviation Minister during the first Modi government.