തിരുവനന്തപുരം: അമേരിക്കയിലെ ചികിത്സ പൂർത്തിയാക്കി മുഖ്യമന്ത്രി പിണറായി വിജയൻ നാളെ കേരളത്തിലെത്തും. ഇന്ന് വൈകുന്നേരം ദുബായിൽ എത്തുന്ന മുഖ്യമന്ത്രി, നാളെ പുലർച്ചെ തിരുവനന്തപുരത്ത് എത്തിച്ചേരും. ഈ മാസം 5നാണ് അദ്ദേഹം ആരോഗ്യ പരിശോധനയ്ക്കായി അമേരിക്കയിലേക്ക് പോയത്.

മുഖ്യമന്ത്രിയോടൊപ്പം ഭാര്യ കമല വിജയനും യാത്രയിലുണ്ട്. ദുബായിൽ ഔദ്യോഗിക പരിപാടികളൊന്നും മുഖ്യമന്ത്രിക്ക് ഷെഡ്യൂൾ ചെയ്തിട്ടില്ല. ചൊവ്വാഴ്ച അദ്ദേഹം കേരളത്തിലേക്ക് മടങ്ങുമെന്നാണ് ലഭ്യമായ വിവരം.

ALSO READ: അന്താരാഷ്ട്ര ബഹിരാകാശ നിലയത്തിൽ ചരിത്രം രചിച്ച് ശുഭാംശു ശുക്ലയും സംഘവും: ആക്സിയം-4 ദൗത്യം പൂർത്തിയാക്കി മടങ്ങുന്നു

ജൂലൈ 5നാണ് മുഖ്യമന്ത്രി ചികിത്സയ്ക്കായി യുഎസിലേക്ക് പോയത്. മിനസോട്ടയിലെ മയോ ക്ലിനിക്കിൽ നടത്തിയ ചികിത്സ, നേരത്തെ നടത്തിയ ചികിത്സകളുടെ തുടർപരിശോധനയുടെ ഭാഗമായിരുന്നു. ഇത് നാലാം തവണയാണ് മുഖ്യമന്ത്രി ചികിത്സയ്ക്കായി അമേരിക്ക സന്ദർശിക്കുന്നത്. 2018 സെപ്റ്റംബറിൽ ആദ്യമായി വിദേശ ചികിത്സയ്ക്ക് പോയ അദ്ദേഹം, 2022 ജനുവരി 11 മുതൽ 26 വരെയും ഏപ്രിൽ അവസാനവും യുഎസിൽ ചികിത്സയ്ക്കായി പോയിരുന്നു.

Chief Minister Pinarayi Vijayan, after completing his medical treatment in the US, will return to Kerala tomorrow. Arriving in Dubai this evening, he will reach Thiruvananthapuram by early morning