ദുബൈ: റോഡിന്റെ വശങ്ങളിലോ നടപ്പാതകളിലോ നിരോധിത ലെയിനുകളിലോ വാഹനം ഓടിക്കുന്നതിനെതിരെ മുന്നറിയിപ്പ് നൽകി സഊദി ജനറൽ ഡയറക്ടറേറ്റ് ഓഫ് ട്രാഫിക്. ഇത്തരം ലംഘനങ്ങൾ ഗതാഗതപ്രവാഹത്തെ തടസ്സപ്പെടുത്തുകയും മറ്റ് ഡ്രൈവർമാരെ ആശയക്കുഴപ്പത്തിലാക്കുകയും റോഡ് സുരക്ഷയ്ക്ക് ഗുരുതരമായ ഭീഷണി ഉയർത്തുകയും ചെയ്യുമെന്ന് അധികൃതർ വ്യക്തമാക്കി.

ഇത് ട്രാഫിക് നിയമങ്ങളുടെ ലംഘനമാണെന്നും ഔദ്യോഗിക ലംഘന പട്ടിക പ്രകാരം 1,000 മുതൽ 2,000 സഊദി റിയാൽ വരെ പിഴ ഈടാക്കാവുന്ന കുറ്റമാണെന്നും അധികൃതർ പ്രസ്താവനയിൽ വ്യക്തമാക്കി. 

ALSO READ: വിദേശികളുടെ ഡ്രൈവിംഗ് ലൈസൻസിന് ഒരു വർഷത്തെ പരിധി നിശ്ചയിച്ച് സഊദി അറേബ്യ

നിയുക്ത ലെയിനുകളിൽ മാത്രം വാഹനം ഓടിക്കണമെന്നും അടിയന്തര സാഹചര്യങ്ങൾ ഒഴികെ റോഡിന്റെ വശങ്ങളോ നടപ്പാതകളോ ഉപയോഗിക്കരുതെന്നും ഡ്രൈവർമാർക്ക് നിർദേശം നൽകി. ഇത് പൊതുസുരക്ഷ ഉറപ്പാക്കാനും ഗതാഗതം സുഗമമായി നടക്കാനും സഹായിക്കും.

വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുന്നത് റോഡപകടങ്ങളുടെ പ്രധാന കാരണങ്ങളിലൊന്നാണെന്നും ഡയറക്ടറേറ്റ് ചൂണ്ടിക്കാട്ടി. ഇത് ഡ്രൈവർമാരുടെ ശ്രദ്ധ തെറ്റിക്കുകയും റെഡ് സി​ഗ്നൽ ലംഘനം, ലെയിനിൽ നിന്ന് വ്യതിചലിക്കൽ, വാഹന നിയന്ത്രണം നഷ്ടപ്പെടൽ, കാൽനടയാത്രക്കാർ, മറ്റ് വാഹനങ്ങൾ, അല്ലെങ്കിൽ റോഡിലെ പെട്ടെന്നുള്ള അപകടങ്ങൾ എന്നിവക്ക് കാരണമാകുകയും ചെയ്യും.

ALSO READ: യുഎഇ കാലാവസ്ഥ: ഷാർജയിലും, ഖോർഫക്കനിലും, ഫുജൈറയിലും നേരിയ മഴ

വാഹനമോടിക്കുമ്പോൾ മൊബൈൽ ഫോൺ ഉപയോഗിക്കുന്നത് ഒഴിവാക്കാൻ ഡയറക്ടറേറ്റ് ഡ്രൈവർമാരോട് അഭ്യർത്ഥിച്ചു. ഇത് 500 മുതൽ 900 സഊദി റിയാൽ വരെ പിഴ ഈടാക്കാവുന്ന കുറ്റമാണ്.

The Saudi General Directorate of Traffic has warned drivers against driving on road sides, sidewalks, or prohibited lanes, emphasizing that such actions can disrupt traffic flow, confuse other drivers, and pose a serious threat to road safety. Drivers are advised to adhere to designated lanes and follow traffic rules to ensure a safe and smooth driving experience [1].