തിരുവനന്തപുരം: വിജിലൻസ് വകുപ്പിനെ വിവരാവകാശ നിയമത്തിന്റെ പരിധിയിൽ നിന്ന് ഒഴിവാക്കാൻ നീക്കം. ഇതുസംബന്ധിച്ച് വിജിലൻസ് ഡയറക്ടർ ആഭ്യന്തര വകുപ്പ് അഡീഷണൽ ചീഫ് സെക്രട്ടറിക്ക് നൽകിയ കത്ത് പുറത്തുവന്നു. നിലവിൽ ഈ ഫയൽ നിയമ വകുപ്പിന്റെ പരിഗണനയിലാണ്.

നേരത്തെ വിജിലൻസിലെ അതീവ രഹസ്യ ഫയലുകൾ കൈകാര്യം ചെയ്തിരുന്ന 'ടി' വിഭാഗത്തെ വിവരാവകാശ നിയമത്തിൽ നിന്ന് ഒഴിവാക്കിയിരുന്നു. എന്നാൽ, 'ടി' വിഭാഗം ഇപ്പോൾ നിലവിലില്ലാത്തതിനാൽ അതീവ രഹസ്യ ഫയലുകളെല്ലാം വിവരാവകാശ നിയമത്തിന്റെ പരിധിയിൽ വന്നതായി വിജിലൻസ് ഡയറക്ടർ വാദിക്കുന്നു.

ALSO READ: അന്താരാഷ്ട്ര ബഹിരാകാശ നിലയത്തിൽ ചരിത്രം രചിച്ച് ശുഭാംശു ശുക്ലയും സംഘവും: ആക്സിയം-4 ദൗത്യം പൂർത്തിയാക്കി മടങ്ങുന്നു

2025 ജനുവരി 11-നാണ് വിജിലൻസിനെ പൂർണമായി വിവരാവകാശ നിയമത്തിൽ നിന്ന് ഒഴിവാക്കണമെന്ന് ആവശ്യപ്പെട്ട് ഡയറക്ടർ കത്ത് നൽകിയത്. സ്‌പെഷ്യൽ ബ്രാഞ്ച്, ക്രൈം ബ്രാഞ്ച്, ക്രൈം റെക്കോർഡ്സ് ബ്യൂറോ തുടങ്ങിയ വകുപ്പുകളെ സർക്കാർ നേരത്തെ വിവരാവകാശ നിയമത്തിലെ സെക്ഷൻ 24(4) പ്രകാരം വിവരങ്ങൾ നൽകുന്നതിൽ നിന്ന് ഒഴിവാക്കിയിട്ടുണ്ട്. ഈ ഉത്തരവുകളുടെ അടിസ്ഥാനത്തിൽ വിജിലൻസിനെയും ഒഴിവാക്കാനാണ് നീക്കം.

നിയമ വകുപ്പിന്റെ പരിശോധനയ്ക്ക് ശേഷം സർക്കാർ ഇക്കാര്യത്തിൽ അന്തിമ തീരുമാനം എടുക്കും. വിവരാവകാശ കമ്മീഷനോട് അഭിപ്രായം തേടാനുള്ള സാധ്യത കുറവാണെന്നാണ് വിവരം.

The Vigilance Department is seeking exemption from the RTI Act, with a letter from its Director to the Additional Chief Secretary of the Home Department now public. The proposal, under review by the Law Department, cites the dissolution of the confidential 'T' section, bringing sensitive files under RTI's scope. The move aligns with prior exemptions for other agencies like the Special Branch and Crime Branch