എമിറേറ്റ്സ് റോഡിന്റെ വികസനത്തിനായി 750 മില്യൺ ദിർഹം ബജറ്റുള്ള ഒരു പദ്ധതി പ്രഖ്യാപിച്ചിരിക്കുകയാണ് ഊർജ്ജ അടിസ്ഥാന സൗകര്യ വകുപ്പ്. 2025 സെപ്റ്റംബറിൽ ആരംഭിക്കാൻ ഷെഡ്യൂൾ ചെയ്ത ഈ പദ്ധതി രണ്ട് വർഷത്തിനുള്ളിൽ പൂർത്തിയാകും.

അധിക ലെയിനുകൾ

എമിറേറ്റ്സ് റോഡ് വികസന പദ്ധതിയിൽ ഷാർജയിലെ അൽ ബദീ ഇന്റർചേഞ്ച് മുതൽ ഉം അൽ ഖുവൈൻ എമിറേറ്റ് വരെ 25 കിലോമീറ്റർ ദൈർഘ്യമുള്ള റോഡ് ഓരോ ദിശയിലും മൂന്ന് ലെയിനുകളിൽ നിന്ന് അഞ്ച് ലെയിനുകളാക്കി വിപുലീകരിക്കും. ഇത് റോഡിന്റെ ശേഷി മണിക്കൂറിൽ ഏകദേശം 9,000 വാഹനങ്ങളാക്കി ഉയർത്തും. 

ALSO READ: ഒമാനിൽ മുങ്ങിമരണങ്ങൾ മൂന്നിരട്ടി കൂടി, വേനൽക്കാലം ആയതോടെ ജാഗ്രത നിദേശവുമായി സിവിൽ ഡിഫൻസ്‌

പുതിയ പാലങ്ങൾ

എമിറേറ്റ്സ് റോഡിലെ 7-ാം നമ്പർ ഇന്റർചേഞ്ചിന്റെ സമഗ്രമായ നവീകരണവും ഈ പദ്ധതിയിൽ ഉൾപ്പെടുന്നു. 12.6 കിലോമീറ്റർ നീളമുള്ള ആറ് ദിശാ പാലങ്ങൾ നിർമിക്കും, ഇവയ്ക്ക് മണിക്കൂറിൽ 13,200 വാഹനങ്ങൾ കൈകാര്യം ചെയ്യാനുള്ള ശേഷിയുണ്ട്. കൂടാതെ, എമിറേറ്റ്സ് റോഡിന്റെ ഇരുവശങ്ങളിലും 3.4 കിലോമീറ്റർ നീളമുള്ള കലക്ടർ റോഡുകളും നിർമിക്കും.

ഈ വികസന പദ്ധതി റാസ് അൽ ഖൈമ, ഉം അൽ ഖുവൈൻ, ഷാർജ എന്നിവിടങ്ങളിൽ നിന്ന് ദുബൈയിലേക്കും തിരിച്ചും യാത്ര ചെയ്യുന്നവർക്ക് യാത്രാ സമയം 45 ശതമാനം വരെ കുറയ്ക്കും.

ALSO READ: ബോയിംഗ് 787 വിമാനങ്ങളിലെ ഇന്ധന നിയന്ത്രണ സ്വിച്ചുകൾ പരിശോധിക്കാൻ നിർദേശം നൽകി ഇത്തിഹാദ്; നടപടി ഇന്ത്യയിലെ അപകടത്തിന്റെ പശ്ചാത്തലത്തിൽ

യു.എ.ഇ. ഗവൺമെന്റിന്റെ വാർഷിക യോഗങ്ങളിൽ ഗതാഗതക്കുരുക്കിന് പ്രായോഗികവും സുസ്ഥിരവുമായ പരിഹാരങ്ങൾ വികസിപ്പിക്കുന്നതിന് ശ്രദ്ധ നൽകിയിട്ടുണ്ട്. റോഡ് അടിസ്ഥാന സൗകര്യ വികസനം ഗതാഗത പ്രവാഹം സുഗമമാക്കുന്നതിനും സമഗ്രമായ ദേശീയ വികസനത്തിനും പ്രധാനമാണെന്ന് ഊർജ്ജ അടിസ്ഥാന സൗകര്യ വകുപ്പ് മന്ത്രി സുഹൈൽ മുഹമ്മദ് അൽ മസ്‌റൂഈ വ്യക്തമാക്കി.

The Emirates Road development project involves expanding a 25-kilometer stretch of road from Al Badee Interchange in Sharjah to Umm Al Quwain from three to five lanes in each direction. This upgrade will increase the road's capacity to approximately 9,000 vehicles per hour, representing a 65% increase. The Dh750 million project, set to begin in September 2025 and completed within two years, aims to reduce travel time by up to 45% for commuters traveling from Ras Al Khaimah to Dubai. The project also includes a comprehensive upgrade of Interchange No. 7 with six directional bridges and collector roads on both sides of the road ¹.