വള്ളുവമ്പ്രം: പൂക്കോട്ടൂരിലെ അറിവരങ്ങ് വായനോത്സവത്തിന്റെ സമാപനത്തൊടനുബന്ധിച്ച് സംഘടിപ്പിക്കുന്ന സാംസ്‌കാരിക സായാഹ്നവും കാരാട്ട് മുഹമ്മദ് ഹാജി സ്മാരക പുരസ്‌കാര ദാന സമ്മേളനവും 21 ന് അറവങ്കരയില്‍ നടക്കും. വൈകീട്ട് 7ന് നടക്കുന്ന ചടങ്ങില്‍ കാരാട്ട് പുരസ്‌കാരം പി.കെ കുഞ്ഞാലിക്കുട്ടി എം.പി എഴുത്തുകാരന്‍ ടി.പി.എം ബഷീര്‍ തേഞ്ഞിപ്പലത്തിന് സമ്മാനിക്കും. തുടര്‍ന്ന് നടക്കുന്ന അറിവരങ്ങ് വായനോത്സവ ജേതാക്കള്‍ക്കുള്ള സമ്മാന വിതരണവും സാംസ്‌കാരിക സായാഹ്നവും പ്രതിപക്ഷ ഉപനേതാവ് ഡോ.എം.കെ മുനീര്‍ ഉദ്ഘാടനം നിര്‍വഹിക്കും. സാംസ്‌കാരിക സായാഹ്നത്തിന്റെ ഭാഗമായി ഒരുക്കുന്ന സംഗീത നിശയും, വിവിധ മാപ്പിളക്കലകളും വേദിയില്‍ അരങ്ങേറും. അത്താണിക്കലില്‍ ചേര്‍ന്ന പഞ്ചായത്ത് മുസ്ലിം ലീഗ് കമ്മിറ്റിയുടെ കൂടിയാലോചന യോഗത്തില്‍ അഡ്വ.കാരാട്ട് അബ്ദുറഹിമാന്‍ അധ്യക്ഷനായി. മണ്ഡലം മുസ്‌ലിം ലീഗ് സെക്രട്ടറി പി.എ സലാം , കെ.ഇസ്മായീല്‍ മാസ്റ്റര്‍, എം.ടി അലി, സി.ടി നൗഷാദ്, സി.മൊയ്തീന്‍ കുട്ടി മാസ്റ്റര്‍, ഉസ്മാന്‍ കൊടക്കാടന്‍, എം.പി സുനീര്‍, എന്‍.പി അക്ബര്‍ , ഹുസൈന്‍ ഉള്ളാട്ട്, മന്‍സൂര്‍ പള്ളിമുക്ക്, ടി.പി യൂനുസ്, കുഞ്ഞിമാന്‍ മൈലാടി, എം.ടി കുട്ടിമാന്‍, എന്‍.എം ഉബൈദ്, ടി.ശബീറലി പ്രസംഗിച്ചു.