ഓള്‍ഡ് ട്രാഫോര്‍ഡ്: പാകിസ്താനെതിരേയുള്ള മത്സരത്തില്‍ ബൗളിങ്ങിനിടെ പരുക്കേറ്റ ഭുവനേശ്വര്‍കുമാറിന് അടുത്ത രണ്ടണ്ടു മത്സരങ്ങള്‍ നഷ്ടമാകും. ക്യാപ്റ്റന്‍ കോഹ്‌ലിയാണ് ഇക്കാര്യം അറിയിച്ചത്.
മത്സരത്തിന്റെ അഞ്ചാം ഓവറിലാണ് താരത്തിന് പരുക്കേറ്റത്. പേശിവലിവിനെ തുടര്‍ന്ന് ഓവര്‍ പൂര്‍ത്തിയാക്കാനാകാതെ മൈതാനം വിടുകയായിരുന്നു ഭുവി. പകരം പന്തെറിയാനെത്തിയ വിജയശങ്കര്‍ ആദ്യ പന്തില്‍ തന്നെ വിക്കറ്റ് നേടിയിരുന്നു.
മൂന്നു മത്സരങ്ങളില്‍ നിന്നായി അഞ്ചു വിക്കറ്റുകള്‍ ഭുവനേശ്വര്‍ നേടിയിട്ടുണ്ടണ്ട്. നേരത്തെ ശിഖര്‍ ധവാനും പരുക്കേറ്റ് പുറത്തായിരുന്നു. ഭുവനേശ്വറിനു പകരം മുഹമ്മദ് ഷമിയായിരിക്കും അടുത്ത മത്സരത്തില്‍ ഇന്ത്യക്കുവേണ്ടണ്ടി കളിക്കുക.