ഉരുവച്ചാല്‍: മട്ടന്നൂര്‍ നഗരസഭയിലെ ഉരുവച്ചാല്‍ വാര്‍ഡിലേക്കുള്ള ഉപതിരഞ്ഞെടുപ്പ് കനത്ത സുരക്ഷയില്‍ നടന്നു. 86% ശതമാനമാണ് പോളിങ്.
ആകെയുള്ള 1236 വോട്ടില്‍ 1059 പേരാണ് സമ്മതിദാനാവകാശം രേഖപ്പടുത്തിയത്. പഴശ്ശി ഗവ.എല്‍.പി സ്‌കൂളിലെ പോളിങ് ബൂത്തില്‍ രാവിലെ മുതല്‍ കനത്ത പോളിങ് നടന്നു. ഏഴു മണിക്ക് തന്നെ വോട്ടര്‍മാരുടെ നീണ്ട നിര ദൃശ്യമായിരുന്നു. വോട്ടെണ്ണല്‍ ഇന്ന് രാവിലെ പത്ത് മണിക്ക് മട്ടന്നൂര്‍ നഗരസഭയിലെ സി.ഡി.എസ് ഹാളില്‍ ആരംഭിക്കും. തെരഞ്ഞെടുപ്പ് പുരോഗമിക്കുന്നതിനിടെ ബൂത്തിനടുത്തുവച്ച് നേരിയ തോതില്‍ സംഘര്‍ഷവുമുണ്ടായി. യു.ഡി.എഫ് സ്ഥാനാര്‍ഥി അബ്ദുള്‍ സലാമിന്റെ മാതാവിന്റെ തിരിച്ചറിയല്‍ കാര്‍ഡുപിടിച്ചു വാങ്ങാന്‍ സി.പി.
എം പ്രവര്‍ത്തകര്‍ ശ്രമിച്ചതായി യു.ഡി.എഫ് ആരോപിച്ചു.