കണ്ണൂര്‍: ഗവ.ടൗണ്‍ ഹയര്‍ സെക്കന്‍ഡറി സ്‌കൂള്‍ പൂര്‍വവിദ്യാര്‍ഥി സംഗമം 21ന് രാവിലെ 9.30ന് സ്‌കൂള്‍ അങ്കണത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. മന്ത്രി രാമചന്ദ്രന്‍ കടന്നപ്പള്ളി ഉദ്ഘാടനം ചെയ്യും. വി.കെ അബ്ദുല്‍ നിസാര്‍ അധ്യക്ഷനാകും. കോര്‍പറേഷന്‍ മേയര്‍ ഇ.പി ലത, ജില്ലാപഞ്ചായത്ത് പ്രസിഡന്റ് കെ.വി സുമേഷ്, ജില്ലാ കലക്ടര്‍ മീര്‍ മുഹമ്മദലി, ജില്ലാ പൊലിസ് മേധാവി ശിവവിക്രം, കമാന്‍ഡന്റ് എം.എസ്.പി പി.എ വത്സന്‍, ഡെപ്യൂട്ടി മേയര്‍ പി.കെ രാഗേഷ് സംസാരിക്കും. തുടര്‍ന്ന് നടക്കുന്ന ഗുരുവന്ദനം പി.കെ ശ്രീമതി എം.പി ഉദ്ഘാടനം ചെയ്യും. കെ.എം ഷാജി എം.എല്‍.എ പ്രതിഭാ സംഗമം ഉദ്ഘാടനം ചെയ്യും. 2.30ന് നടക്കുന്ന പൂര്‍വ വിദ്യാര്‍ഥികളുടെ അനുഭവം പങ്കുവെക്കല്‍ ചടങ്ങ് കെ. സുരേന്ദ്രന്‍ ഉദ്ഘാടനം ചെയ്യും. വാര്‍ത്താസമ്മേളനത്തില്‍ കെ. ജ്യോതിപ്രകാശ്, ഭാഗ്യശീലന്‍, ആര്‍. രഞ്ജിത്ത്, എ.പി സുരേഷ് ബാബു, വി.പി അബ്ദുല്‍ നിസാര്‍ പങ്കെടുത്തു.