കാഞ്ഞങ്ങാട്: തോയമ്മല്‍ പ്രദേശത്ത്  ഉണ്ടായ  സംഘര്‍ഷത്തില്‍ 12 പേര്‍ക്കെതിരെ ഹൊസ്ദുര്‍ഗ് പൊലിസ് കേസെടുത്തു. ഇതുമായി  ബന്ധപ്പെട്ട് 2 കേസുകളാണ് പൊലിസ് രജിസ്റ്റര്‍ ചെയ്തത്. കോണ്‍ഗ്രസ് പ്രവര്‍ത്തകരായ തോയമ്മലിലെ സന്തോഷ് കുമാറിനെ അക്രമിച്ച് പരുക്കേല്‍പ്പിച്ചതിന്റെ പേരില്‍   രൂപേഷ്, ഹരീഷ്, നിഥിന്‍, അനീഷ്, അര്‍ജുന്‍, അഭിജിത്ത്, രാജേഷ് തുടങ്ങിയ സി.പി.എം പ്രവര്‍ത്തകരുടെ പേരിലും സി.പി.എം പ്രവര്‍ത്തകനായ രൂപേഷിനെ മര്‍ദിച്ചതിന് കോണ്‍ഗ്രസ് പ്രവര്‍ത്തകരായ സന്തോഷ് കുമാര്‍, സുനില്‍, ശ്രീജേഷ്, ഷാജി, ആദര്‍ശ് എന്നിവരുടെ പേരിലുമാണ് കേസ്. കഴിഞ്ഞ ദിവസം രാത്രിയോടെയാണ്  സംഘര്‍ഷം ഉണ്ടായത്. സംഭവത്തില്‍ പരുക്കേറ്റ പ്രവര്‍ത്തകര്‍ ജില്ലാ ആശുപത്രിയില്‍ ചികിത്സ തേടി.