മൂവാറ്റുപുഴ: കാറ്റിലും മഴയിലും മൂവാറ്റുപുഴയില്‍ വ്യാപക നാശനഷ്ടം. വ്യാഴാഴ്ച രാത്രിയുണ്ടായ കാറ്റിലും മഴയിലും  മൂന്ന് വീടുകള്‍ തകര്‍ന്നു. നിരവധി മരങ്ങള്‍ കടപുഴകി വീണു.
മരം വീണ് ഇലക്ട്രിക് ലൈനുകള്‍ തകര്‍ന്നതിനെ തുടര്‍ന്ന് പ്രദേശത്ത് വൈദ്യുതി ബന്ധവും താറുമാറായി. മൂവാറ്റുപുഴ സക്കീര്‍ ഹുസൈന്‍ നഗറില്‍ സമദിന്റെ വീട് മരം വീണ് തകര്‍ന്നത്. പേഴയ്ക്കാപ്പിള്ളി ഐരുമല കല്ലുവെട്ടിക്കുഴി ഹസന്റെ വീടിന്റെ മേല്‍ക്കൂര കാറ്റില്‍ പറന്ന് പോയി. പുന്നോപ്പടി പാലായില്‍  മൈതീന്റെ വീടിന് മുകളിലേയ്ക്ക് തേക്ക് മരം വീണ് വീടിന്റെ മേല്‍ക്കൂര തകര്‍ന്നു.
പ്രദേശത്ത് വ്യാപക കൃഷി നാശവും സംഭവിച്ചിട്ടുണ്ട്. എം.സി റോഡിലടക്കം റോഡില്‍ മരം വീണ് ഗതാഗതവും സ്തംഭിച്ചു.