വടകര: എക്‌സൈസ് പിന്തുടര്‍തിനെ തുടര്‍ന്ന് ബൈക്കും 31 കുപ്പി വിദേശമദ്യവും ഉപേക്ഷിച്ച് യുവാവ് കടന്നുകളഞ്ഞു. അഴിയൂര്‍ മൂന്നാം ഗെയിറ്റിനു സമീപത്ത് ഉപേക്ഷിച്ച ബൈക്കും മദ്യവും വടകര എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ.കെ മുരളീധരനും സംഘവും കസ്റ്റഡിയിലെടുത്തു.
അഴിയൂരില്‍ വാഹന പരിശോധനക്കിടയില്‍ നിര്‍ത്താതെ പോയ ബൈക്കിനെ എക്‌സൈസ് പിന്തുടരുകയായിരുന്നു. പോക്കറ്റ് റോഡിലൂടെ പാഞ്ഞെങ്കിലും ബൈക്കും മദ്യവും ഉപേക്ഷിച്ച് കടത്തുകാരന്‍ കടന്നുകളഞ്ഞു. പ്രതിയെ കുറിച്ച് സൂചന കിട്ടിയെന്നും ഇയാളെ ഉടന്‍ പിടികൂടുമെന്നും എക്‌സൈസ് അറിയിച്ചു.
 പ്രിവന്റീവ് ഓഫിസര്‍ എ കുഞ്ഞികൃഷ്ണന്‍, സിവില്‍ എക്‌സൈസ് ഓഫിസര്‍ എന്‍.എം ഉനൈസ് എന്നിവരാണ് സംഘത്തിലുണ്ടായിരുന്നത്.