കക്കട്ടില്‍: കുന്നുമ്മല്‍ പള്ളിക്കു സമീപം ക്ഷീരകര്‍ഷകന്റെ വീട്ടിലെ പശു മിന്നലേറ്റ് ചത്തു. പറമ്പത്ത് ബാവാച്ചിയുടെ ജേഴ്‌സി ഇനത്തില്‍പ്പെട്ട പശുവാണ് ചത്തത്. ഇന്നലെ വൈകിട്ട് നാലോടെയാണ് സംഭവം. കനത്ത മഴയോടൊപ്പമുണ്ടായ മിന്നലേറ്റ് പശു തൊഴുത്തില്‍ കുഴഞ്ഞു വീഴുകയായിരുന്നു. 2016 വര്‍ഷത്തെ മികച്ച ക്ഷീരകര്‍ഷകക്കുള്ള അവാര്‍ഡ് ബാവാച്ചിയുടെ ഭാര്യ ആസ്യക്ക് ലഭിച്ചിരുന്നു.