മേപ്പാടി: അര്‍ഹതപ്പെട്ടവര്‍ക്ക് പദ്ധതി ആനുകൂല്യങ്ങള്‍ നല്‍കാതെയും വികസന പ്രവര്‍ത്തികളില്‍ തന്നിഷ്ടം കാണിക്കുന്ന വാര്‍ഡംഗത്തിനെതിരേ ജനകീയ സമിതിയുടെ നേതൃത്വത്തില്‍ ഗ്രാമ പഞ്ചായത്ത് ഓഫിസിന് മുന്നില്‍ മാര്‍ച്ചും ധര്‍ണയും നടത്തി.
മേപ്പാടി പഞ്ചായത്തിലെ 17-ാം വാര്‍ഡ് ആനപ്പാറ വാര്‍ഡംഗത്തിനെതിരേയാണ് ജനകീയ സമിതി പ്രക്ഷോഭവുമായി രംഗത്തെത്തിയത്.  പ്രദേശത്തെ എസ്.ടി കോളനിയിലെ വീട്, കക്കൂസ്, കുടിവെള്ള പദ്ധതി, റോഡ്, നടപ്പാത, കിണര്‍ റിപ്പയര്‍ തുടങ്ങിയ പ്രവൃത്തികളില്‍ അഴിമതി നടന്നതായും ഇത് വിജിലന്‍സ് അന്വേഷിക്കണമെന്നും പ്രദേശത്ത് രൂക്ഷമായ കാട്ടാന ശല്യം തടയാന്‍ നടപടി സ്വീകരിക്കണമെന്നാവശ്യപ്പെട്ടായിരുന്നു സമരം.
ധര്‍ണ ജനകീയ സമിതി ചെയര്‍മാന്‍ പി ശിവരാജ് ഉദ്ഘാടനം ചെയ്തു. പി.പി കുഞ്ഞാപ്പ അധ്യക്ഷനായി. പി.കെ അഷ്‌റഫ്, രാജു അടിമാടി, ഷാജി മോന്‍, സുധീര്‍ എന്നിവര്‍ സംസാരിച്ചു. ഉണ്ണികൃഷ്ണന്‍ സ്വാഗതം പറഞ്ഞു. പ്രഭു, മജീദ്, വാസു, ഇബ്‌റാഹീം, ഈശ്വരന്‍, ആര്‍ ചന്ദ്രന്‍, ശൈലജ, ലതിക, മാതി, സിദ്ധി, മുസ്തഫ, റിഷാദ്, ഫൈസല്‍, ഷിഹാബ്, കേളു, അന്‍വര്‍കുട്ടി, റഷീദ്, ശശി, പോക്കര്‍ ജാഥക്ക് നേതൃത്വം നല്‍കി.