കോഴിക്കോട്: കോഴിക്കോട് വഖഫ് ട്രിബ്യൂണലില്‍ മാധ്യമങ്ങള്‍ക്ക് വിലക്ക്. മുനമ്പം കേസിലെ കോടതി നടപടികള്‍ മാധ്യമങ്ങള്‍ റിപ്പോര്‍ട്ട് ചെയ്യേണ്ടതില്ലെന്ന് ട്രൈബ്യൂണല്‍ ചെയര്‍മാന്‍ രാജന്‍ തട്ടില്‍ നിര്‍ദ്ദേശം നല്‍കി. അതേസമയം, മുനമ്പം വിഷയത്തില്‍ ഫറൂഖ് കോളജ് മാനേജ്‌മെന്റ് നല്‍കിയ അപ്പീല്‍ പരിഗണിക്കുന്നത് ഡിസംബര്‍ ആറിലേക്ക് മാറ്റി. വഖഫ് രജിസ്റ്ററില്‍ ഭൂമി ഉള്‍പ്പെടുത്തിയതിനെതിരെയാണ് വഖഫ് ട്രൈബ്യൂണല്‍ അപ്പീല്‍ സമര്‍പ്പിച്ചത്. 

കേസില്‍ കക്ഷിചേരാനായി വഖഫ് സംരക്ഷണ സമിതിയും സത്താര്‍ സേഠിന്റെ കുടുംബവും ട്രൈബ്യൂണലില്‍ എത്തിയിരുന്നു.

വഖഫ് ബോര്‍ഡ്  2019ല്‍ ഫാറൂഖ് കോളജ് മാനേജ്‌മെന്റ് വില്‍പന നടത്തിയ മുനമ്പത്തെ ഭൂമി വഖഫ് ഭൂമിയാണെന്ന് വ്യക്തമാക്കി വഖഫ് രജിസ്റ്ററില്‍ ചേര്‍ത്തിരുന്നു. സബ് രജിസ്‌ട്രോര്‍ ഓഫിസില്‍ ഇക്കാര്യം രേഖപ്പെടുത്തുകയും ചെയ്തു. ഈ രണ്ട് തീരുമാനങ്ങളും ചോദ്യം ചെയ്താണ് ഫറൂഖ് കോളജ് മാനേജ്‌മെന്റ് കമ്മിറ്റി വഖഫ് ട്രൈബ്യൂണലിനെ സമീപിച്ചത്. വില്‍പന നടത്തിയത് ദാനമായി കിട്ടിയ ഭൂമിയാണെന്നതാണ് ഫാറൂഖ് കോളജിന്റെ വാദം.