മലപ്പുറം: ദേശീയ മാധ്യമങ്ങളുടെതുള്‍പ്പെടെ തലക്കെട്ടുകളില്‍ ഇടംപിടിച്ച പേരാണ് ഡോ. ഹാദിയ. മതം മാറ്റവും വീട്ടു തടങ്കലും വ്യക്തി സ്വാതന്ത്രവും സജീവചര്‍ച്ചയായ ഹാദിയാ കേസില്‍ സുപ്രിംകോടതി ഹാദിയയോട് നിര്‍ദേശിച്ചത്, പഠിച്ചു മടുക്കിയാവാനായിരുന്നു. കോടതി പറഞ്ഞതുപോലെ തന്നെ ഹാദിയ ചെയ്തു, മെഡിക്കല്‍ പഠനം പൂര്‍ത്തിയാക്കി. വൈകാതെ രോഗികളെ ചികില്‍സിക്കാനായി ക്ലിനിക്കും തുടങ്ങി, 'ഡോ. ഹാദിയാസ് ക്ലിനിക്ക്'. മലപ്പുറത്ത് കോട്ടക്കല്‍ റോഡില്‍ ഒതുക്കുങ്ങലിലാണ് ഇന്നലെ ക്ലിനിക്ക് തുടങ്ങിയത്. ഭര്‍ത്താവ് ഷെഫിന്‍ ജാഹാന്‍ ഫേസ്ബുക്കിലൂടെയാണ് ക്ലിനിക്ക് തുടങ്ങിയ സന്തോഷം പങ്കുവച്ചത്.