വിതുര: ആനപ്പാറ ആയിരവല്ലി ക്ഷേത്രക്കടവില്‍ നിര്‍മ്മിച്ച ബലിക്കടവിന്റെയും ചെക്ക്ഡാമിന്റെയും ഉദ്ഘാടനം കെ.എസ്.ശബരീനാഥന്‍ എം.എല്‍.എ നിര്‍വഹിച്ചു.
കഴിഞ്ഞ സര്‍ക്കാരിന്റെ കാലത്ത്  ഹാഡ പദ്ധതിയില്‍ ഉള്‍പ്പെടുത്തി അനുവദിച്ച 15 ലക്ഷം രൂപ വിനിയോഗിച്ചാണ് ബലിക്കടവ് നിര്‍മാണം പൂര്‍ത്തിയാക്കിയത്.   ഗ്രാമപഞ്ചായത്ത് പ്രസിഡന്റ് എസ്.എല്‍.കൃഷ്ണകുമാരി അധ്യക്ഷയായി.  പഞ്ചായത്തംഗങ്ങളായ ബി.മുരളീധരന്‍ നായര്‍, എം.ലാലി, പ്രേംഗോപകുമാര്‍, എസ്.ഉദയകുമാര്‍, രാഷ്ട്രീയ പാര്‍ട്ടി പ്രതിനിധികള്‍, ക്ഷേത്ര കമ്മിറ്റി ഭാരവാഹികള്‍ തുടങ്ങിയവര്‍ പങ്കെടുത്തു.