തിരുവനന്തപുരം: കശുവണ്ടണ്ടി വ്യവസായ മേഖലയിലെ പ്രശ്‌നങ്ങളെ കുറിച്ചുള്ള അടിയന്തരപ്രമേയത്തിന് അവതരണാനുമതി നിഷേധിച്ചതില്‍ പ്രതിഷേധിച്ച് പ്രതിപക്ഷം നിയമസഭയില്‍നിന്ന് ഇറങ്ങിപ്പോയി. പി.ടി തോമസാണ് അടിയന്തരപ്രമേയത്തിന് അവതരണാനുമതി തേടിയത്.
കശുവണ്ടി മേഖലയിലെ പ്രതിസന്ധി കാരണം രണ്ടണ്ടര ലക്ഷത്തിലധികം വരുന്ന തൊഴിലാളികള്‍ ദുരിതത്തിലാണെന്ന് തോമസ് ചൂണ്ടണ്ടിക്കാട്ടി. 450ഓളം ഫാക്ടറികള്‍ അടഞ്ഞുകിടക്കുകയാണ്. ഈ മേഖലയില്‍ ജോലിയെടുക്കുന്നവരിലധികവും സ്ത്രീകളാണ്. 2016ലെ ബോണസ് പോലും സര്‍ക്കാര്‍ പ്രഖ്യാപിച്ചിട്ടില്ല.
കഴിഞ്ഞ സര്‍ക്കാര്‍ പ്രഖ്യാപിക്കുകയും തെരഞ്ഞെടുപ്പ് വന്നതിനാല്‍ നല്‍കാനാവാതെ പോവുകയും ചെയ്ത 2,500 രൂപയുടെ ആനുകൂല്യവും സൗജന്യ റേഷനും ഇതുവരെ തൊഴിലാളികള്‍ക്ക് നല്‍കിയിട്ടില്ല. പ്രതിസന്ധി കാരണം സംസ്ഥാനത്തെ കശുവണ്ടണ്ടി വ്യവസായങ്ങള്‍ ഓരോന്നായി ആന്ധ്രയിലേക്ക് പോവുകയാണെന്നും തോമസ് പറഞ്ഞു
തുറന്നു പ്രവര്‍ത്തിക്കാത്ത സ്വകാര്യ കശുവണ്ടണ്ടി ഫാക്ടറികള്‍ക്കു നോട്ടിസ് നല്‍കിയിട്ടുണ്ടെന്ന് തോമസിനു മറുപടി നല്‍കിയ മന്ത്രി ജെ. മേഴ്‌സിക്കുട്ടിയമ്മ പറഞ്ഞു.
പൊതുമേഖലയിലെ എല്ലാ ഫാക്ടറികളും തുറക്കാന്‍ സര്‍ക്കാരിനു കഴിഞ്ഞിട്ടുണ്ടണ്ട്. എന്നാല്‍ സ്വകാര്യ മേഖലയില്‍ പ്രശ്‌നങ്ങള്‍ തുടരുകയാണ്. ചെറുകിട വ്യവസായികളുടെ പ്രശ്‌നം പരിഹരിക്കാനായി കാഷ്യൂ ബോര്‍ഡ് രൂപീകരിക്കാന്‍ സര്‍ക്കാര്‍ തീരുമാനിച്ചിട്ടുണ്ടണ്ട്.
കേന്ദ്ര സര്‍ക്കാര്‍ തൊഴിലാളി വിരുദ്ധ നിലപാടാണ് സ്വീകരിക്കുന്നത്. തോട്ടണ്ടണ്ടി ലഭ്യമല്ലാത്തതാണ് പ്രധാന പ്രശ്‌നമെന്നും മന്ത്രി പറഞ്ഞു. മന്ത്രിയുടെ മറുപടിയുടെ അടിസ്ഥാനത്തില്‍ സ്പീക്കര്‍ അവതരണാനുമതി നിഷേധിച്ചതിനെ തുടര്‍ന്ന് പ്രതിപക്ഷം സഭയില്‍നിന്ന് ഇറങ്ങിപ്പോവുകയായിരുന്നു.