മഞ്ചേരി: പൂക്കോട്ടൂര്‍ അറവങ്കരയില്‍ തെരുവുനായ്ക്കളുടെ ആക്രമണത്തില്‍ കുട്ടികളുള്‍പ്പെടെ ഏഴുപേര്‍ക്ക് പരുക്ക്. അറവങ്കര പള്ളിപ്പടിയില്‍ കുരുണിയില്‍ ഹംസ(48), കറുത്തേടത്ത് നഫീസ(45), കറുത്തേടത്ത് ദില്‍ഷ(12), റംല(48), നൊട്ടത്ത് ഷിമ എന്നിവര്‍ ഉള്‍പ്പെടെ ഏഴുപേര്‍ക്കാണ് പരുക്കേറ്റത്.
ഇവരെ മഞ്ചേരി മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. തിങ്കളാഴ്ച്ച വൈകിട്ട് നാലോടെയാണ് പൂക്കോട്ടൂരിലും പരിസരങ്ങളിലും നാല് തെരുവ്‌നായ്ക്കള്‍ വിളയാട്ടം നടത്തിയത്. വൈകിട്ട് അഞ്ചിനും ആറിനും ഇടയിലാണ് ഈ പ്രദേശത്ത് തെരുവുനായ്ക്കള്‍ കൂടുതലും അക്രമിക്കുന്നതെന്ന് നാട്ടുകാര്‍ പറഞ്ഞു.