എളേറ്റില്‍: ഒഴിഞ്ഞ് കിടക്കുന്ന കൃഷിയിടങ്ങളെ പൂര്‍ണമായും ഉപയോഗപ്പെടുത്തുക എന്ന ലക്ഷ്യത്തോടെ തരിശ് രഹിത പഞ്ചായത്തെന്ന പ്രഖ്യാപനവുമായി കിഴക്കോത്ത് ഗ്രാമ പഞ്ചായത്ത്. പഞ്ചായത്ത് വികസന സെമിനാറിലാണ് ഇതിന് പദ്ധതികള്‍ ആവിഷ്‌കരിച്ചത്.
വികസന സെമിനാര്‍ കൊടുവള്ളി ബ്ലോക്ക് പഞ്ചായത്ത് പ്രസിഡന്റ് സി.ടി വനജ ഉദ്ഘാടനം ചെയ്തു.ഗ്രാമപഞ്ചായത്ത് പ്രസിഡന്റ് എന്‍. ഉസ്സയില്‍ മാസ്റ്റര്‍ അധ്യക്ഷനായി. കരട് പദ്ധതി രേഖ വികസന സ്റ്റാന്റിങ് കമ്മിറ്റി ചെയര്‍മാന്‍ വി.എം മനോജ് അവതരിപ്പിച്ചു. ഗ്രാമ പഞ്ചായത്ത് വൈസ് പ്രസിഡണ്ടന്റ് യു.പി നഫീസ, ജില്ലാപഞ്ചായത്ത് മെംബര്‍ എം.എ ഗഫൂര്‍, മെമ്പംബര്‍ മാരായ കെ.കെ ജബ്ബാര്‍ മാസ്റ്റര്‍, ശ്രീജ സത്യന്‍, എം.എസ് മുഹമ്മദ് മാസ്റ്റര്‍, ബ്ലോക്ക് മെംബര്‍ പി.കെ മൊയ്തീന്‍ ഹാജി സംബന്ധിച്ചു. ഗ്രാമ പഞ്ചായത്ത് സെക്രട്ടറി പി. രാമചന്ദ്രന്‍ സ്വാഗതവും അസിസ്റ്റന്റ് സെക്രട്ടറി കെ. ഗിരിജ നന്ദിയും പറഞ്ഞു .